ਅੰਮ੍ਰਿਤਸਰ : ਅੱਜ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਵਿਚ ਬੇਸ਼ੱਕ ਐਡਵੋਕੇਟ ਧਾਮੀ ਜਿੱਤ ਗਏ ਹਨ। ਇਸ ਤੋਂ ਬਾਅਦ ਬੀਬੀ ਜਗੀਰ ਕੌਰ ਨੇ ਪੱਤਰਕਾਰਾਂ ਨਾਲ ਗਲ ਕਰਦਿਆਂ ਪਹਿਲਾਂ ਤਾ ਧਾਮੀ ਨੂੰ ਮਰਿਆਦਾ ਦਾ ਪਾਠ ਪੜ੍ਹਾਇਆ ਅਤੇ ਫਿਰ ਗੁੱਸੇ ਵਿਚ ਕਈ ਖ਼ਰੀਆਂ ਗੱਲਾਂ ਵੀ ਆਖ ਦਿੱਤੀਆਂ।
ਉਨ੍ਹਾਂ ਦੋਸ਼ ਲਾਇਆ ਕਿ ਪਹਿਲਾਂ ਤਾਂ ਸ੍ਰੀ ਦਰਬਾਰ ਸਾਹਿਬ ਵਿਚ ਪਰਫਿਉਮ (ਇਤਰ) ਦੀ ਵਰਤੋਂ ਉਤੇ ਪਾਬੰਦੀ ਲਾਈ ਅਤੇ ਫਿਰ ਇਕ ਅਣਮਤੀ ਬਾਬੇ ਦੇ ਆਉਣ ਤੇ ਇਤਰ ਕਿਉਂ ਛਿੜਕਿਆ ਗਿਆ ?
ਉਨ੍ਹਾਂ ਅੱਗੇ ਕਿਹਾ ਕਿ ਇਕ ਗ੍ਰੰਥੀ ਦੀ ਮਾੜੀ ਹਰਕਤ ਨੂੰ ਬਰਦਾਸ਼ਤ ਕਿਉਂ ਕੀਤਾ ਗਿਆ। ਅੱਗੇ ਕਿਹਾ ਕਿ ਵੇਖਿਓ ਅਸੀ ਜਰਨਲ ਇਲੈਕਸ਼ਨ ਵਿਚ ਚੋਣ ਜਿੱਤ ਕੇ ਹੀ ਆਵਾਂਗੇ।
ਪੱਤਰਕਾਰਾਂ ਵਲੋਂ ਭਾਜਪਾ ਨਾਲ ਸੰਬੰਧ ਹੋਣ ਦੇ ਸਵਾਲ ਤੇ ਬੀਬੀ ਨੇ ਕਿਹਾ ਕਿ ਭਾਜਪਾ ਵਾਲੇ ਮਾਮੇ ਲੱਗਦੇ ਨੇ, ਭਾਜਵਾ ਵਾਲਾ ਤਾ ਵੇਰਕਾ ਵਾਲਾ ਹੋ ਸਕਦਾ ਹੈ, ਜਾਓ ਉਸ ਨੂੰ ਪੁੱਛੋ ਵੋਟ ਕਿਸ ਨੂੰ ਪਾਈ ਹੈ ?ਜ਼ਗੀਰ ਕੌਰ ਨੇ ਕਿਹਾ ਕਿ ਭਾਜਪਾ ਵਿਚ ਤਾਂ ਹਰਸਿਮਰਤ ਬਾਦਲ ਰਹੀ, ਸੁਖਬੀਰ ਰਿਹਾ, ਜਾਉ ਉਨ੍ਹਾਂ ਨੂੰ ਕਰੋ ਸਵਾਲ।