ਲਾਹੌਰ : ਆਨਲਾਈਨ ਗੇਮਿੰਗ ਅਤੇ ਖ਼ਾਸ ਤੌਰ ’ਤੇ ਪਬਜੀ ਦੀ ਲਤ ਕਿੰਨੀ ਖ਼ਤਰਨਾਕ ਸਾਬਤ ਹੋ ਸਕਦੀ ਹੈ, ਇਸ ਦੀ ਇੱਕ ਹੋਰ ਮਿਸਾਲ ਪਾਕਿਸਤਾਨ ਵਿਚ ਸਾਹਮਣੇ ਆਈ ਹੈ। ਇੱਥੇ ਪੰਜਾਬ ਸੂਬੇ ਦੀ ਰਾਜਧਾਨੀ ਲਾਹੌਰ ਵਿਚ 14 ਸਾਲਾ ਮੁੰਡੇ ਨੇ ਮਾਂ, ਦੋ ਭੈਣਾਂ ਅਤੇ ਇੱਕ ਭਰਾ ਨੂੰ ਸੋਂਦੇ ਸਮੇਂ ਗੋਲੀਆਂ ਨਾਲ ਭੁੰਨ ਦਿੱਤਾ। ਘਟਨਾ ਪਿਛਲੇ ਹਫਤੇ ਦੀ ਹੈ। ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਇਸ ਸਨਸਨੀਖੇਜ ਹੱਤਿਆ ਕਾਂਡ ਦਾ ਸੱਚ ਦੇਸ਼ ਦੇ ਸਾਹਮਣੇ ਰੱਖਿਆ। ਦੋਸ਼ੀ ਨਾਬਾਲਗ ਹੈ। ਲਿਹਾਜ਼ਾ ਉਸ ਦਾ ਨਾਂ ਨਹੀਂ ਦੱਸਿਆ ਗਿਆ। ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਜਿਸ ਪਿਸਟਲ ਨਾਲ ਉਸ ਨੇ ਹੱਤਿਆ ਕਾਂਡ ਨੂੰ ਅੰਜਾਮ ਦਿੱਤਾ, ਉਹ ਨਾਬਾਲਗ ਦੀ ਮਾਂ ਨੇ ਪਰਵਾਰ ਦੀ ਹਿਫਾਜ਼ਤ ਲਈ ਖਰੀਦੀ ਸੀ।
ਲਾਹੌਰ ਦੇ ਪੌਸ਼ ਇਲਾਕੇ ਖਨਾ ਵਿਚ 45 ਸਾਲ ਦੀ ਨਾਹਿਦ ਮੁਬਾਰਕ ਅਪਣੀ ਦੋ ਧੀਆਂ 17 ਅਤੇ 11 ਸਲ ਤੋਂ ਇਲਾਵਾ ਦੋ ਬੇਟਿਆਂ 22 ਅਤੇ 14 ਸਾਲ ਦੇ ਨਾਲ ਰਹਿੰਦੀ ਸੀ। ਨਾਹਿਦ ਤਲਾਕਸ਼ੁਦਾ ਸੀ ਅਤੇ ਸਰਕਾਰੀ ਹੈਲਥ ਡਿਪਾਰਟਮੈਂਟ ਵਿਚ ਕਰਮਚਾਰੀ ਸੀ।
ਪਿਛਲੇ ਹਫਤੇ ਨਾਹਿਦ, ਦੋਵੇਂ ਧੀਆਂ ਅਤੇ ਵੱਡੇ ਬੇਟੇ ਦੀ ਲਾਸ਼ ਉਨ੍ਹਾਂ ਦੇ ਘਰ ਤੋਂ ਬਰਾਮਦ ਕੀਤੀ ਗਈ ਸੀ। 14 ਸਾਲ ਦੇ ਛੋਟੇ ਬੇਟੇ ਨੇ ਗੁਆਂਢੀ ਨੂੰ ਪੁਲਿਸ ਬੁਲਾਉਣ ਲਈ ਕਿਹਾ ਸੀ। ਪੂਰੇ ਪਰਵਾਰ ਵਿਚ 14 ਸਾਲ ਦਾ ਇਹੀ ਮੁੰਡਾ ਬਚਿਆ ਸੀ। ਬਾਕੀ ਸਾਰਿਆਂ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਪੁਲਿਸ ’ਤੇ ਇਸ ਮਾਮਲੇ ਨੂੰ ਸੁਲਝਾਉਣ ਦਾ ਕਾਫੀ ਦਬਾਅ ਸੀ। ਮੀਡੀਆ ਵਿਚ ਇਸ ਕੇਸ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਸੀ।
ਪੁਲਿਸ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਘਟਨਾ ਦੀ ਜਾਣਕਾਰੀ ਮਿਲਣ ’ਤੇ ਕਈ ਐਂਗਲ ਤੋਂ ਜਾਂਚ ਪੜਤਾਲ ਕੀਤੀ । ਮੁੰਡੇ ਨੇ ਗੁਆਢੀ ਨੂੰ ਪੁਲਿਸ ਨੂੰ ਫੋਨ ਕਰਨ ਲਈ ਕਿਹਾ ਸੀ, ਜਦ ਕਿ ਘਰ ਵਿਚ ਹੀ ਫੋਨ ਸੀ। ਸਾਡਾ ਸ਼ੱਕ ਉਸ ’ਤੇ ਸੀ। ਉਸ ਨੇ ਪੁਲਿਸ ਨੂੰ ਦੱਸਿਆ ਸੀ ਕਿ ਉਹ ਉਪਰ ਦੀ ਮੰਜ਼ਿਲ ਵਿਚ ਸੁੱਤਾ ਪਿਆ ਸੀ ਅਤੇ ਸਵੇਰੇ ਉਸ ਨੇ ਲਾਸ਼ਾਂ ਦੇਖੀਆਂ। ਡੂੰਘਾਈ ਨਾਲ ਪੁਛਗਿੱਛ ਕਰਨ ’ਤੇ ਉਹ ਟੁੱਟ ਗਿਆ ਅਤੇ ਉਸ ਨੇ ਦੱਸਿਆ ਕਿ ਇਹ ਸਾਰੇ ਕਤਲ ਉਸ ਨੇ ਹੀ ਕੀਤੇ ਹਨ।
ਪੁਲਿਸ ਮੁਤਾਬਕ, ਜਾਂਚ ਦੌਰਾਨ ਪਤਾ ਲੱਗਾ ਕਿ ਮਾਂ ਉਸ ਦੀ ਪਬਜੀ ਗੇਮ ਖੇਡਣ ਦੀ ਲਤ ਤੋਂ ਪ੍ਰੇਸ਼ਾਨ ਸੀ ਅਤੇ ਉਸ ਨੂੰ ਕਈ ਵਾਰ ਪੜ੍ਹਾਈ ’ਤੇ ਧਿਆਨ ਦੇਣ ਲਈ ਕਿਹਾ ਸੀ। ਘਟਨਾ ਵਾਲੇ ਦਿਨ ਵੀ ਨਾਹਿਦ ਨੇ ਬੇਟੇ ਨੂੰ ਗੇਮਿੰਗ ਦੀ ਲਤ ਛੱਡਣ ਨੁੂੰ ਲੈ ਕੇ ਡਾਂਟ ਲਗਾਈ ਸੀ। ਰਾਤ ਨੂੰ ਪਰਵਾਰ ਦੇ ਸਾਰੇ ਮੈਂਬਰ ਸੌਂ ਗਏ ਤਾਂ ਨਾਬਾਲਗ ਨੇ ਅਲਮਾਰੀ ਤੋਂ ਮਾਂ ਦੀ ਪਿਸਟਲ ਕੱਢੀ ਅਤੇ ਇੱਕ ਇੱਕ ਕਰਕੇ ਸਾਰਿਆਂ ਦੀ ਹੱਤਿਆ ਕਰ ਦਿੱਤੀ। ਉਹ ਗੇਮਿੰਗ ਦੀ ਲਤ ਕਾਰਨ ਮਾਨਸਿਕ ਤੌਰ ’ਤੇ ਵੀ ਠੀਕ ਨਹੀਂ ਹੈ। ਉਸ ਨੇ ਜੁਰਮ ਕਬੂਲ ਕਰ ਲਿਆ ਹੈ।
ਪਾਕਿਸਤਾਨ : ਪਬਜੀ ਗੇਮ ਖੇਡਣ ਤੋਂ ਰੋਕਣ ਤੇ 14 ਸਾਲਾ ਮੁੰਡੇ ਨੇ ਪਰਵਾਰ ਦੀ ਕੀਤੀ ਹੱਤਿਆ
Recent Comments
Hello world!
on