ਨਕਲੀ ਬੰਦੂਕ ਦਿਖਾ ਕੇ ਲੰਡਨ ਦੇ ਡਾਕਖਾਨੇ ‘ਚ ਲੁੱਟ, 41 ਸਾਲਾ ਪੰਜਾਬੀ ਗ੍ਰਿਫ਼ਤਾਰ
ਲੰਡਨ: ਬਰਤਾਨੀਆ ਦੀ ਰਾਜਧਾਨੀ ਲੰਡਨ ‘ਚ ਨਕਲੀ ਬੰਦੂਕ ਦਿਖਾ ਕੇ ਇਕ ਡਾਕਘਰ ਨੂੰ ਲੁੱਟਣ ਦੇ ਦੋਸ਼ ‘ਚ ਇਕ ਭਾਰਤੀ ਨਾਗਰਿਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਸਕਾਟਲੈਂਡ ਯਾਰਡ ਨੇ ਸੋਮਵਾਰ ਨੂੰ ਦੱਸਿਆ ਕਿ 41 ਸਾਲਾ ਰਾਜਵਿੰਦਰ ਕਾਹਲੋਂ 1 ਅਪ੍ਰੈਲ ਨੂੰ ਪੱਛਮੀ ਲੰਡਨ ਦੇ ਹਾਊਂਸਲੋ ਸਥਿਤ ਡਾਕਖਾਨੇ ‘ਚ ਦਾਖਲ ਹੋਇਆ ਸੀ। ਉਸ ਨੇ ਉਥੇ ਮੌਜੂਦ ਦੋ ਮੁਲਾਜ਼ਮਾਂ ਨੂੰ ਨਕਲੀ ਬੰਦੂਕ ਦਿਖਾ ਕੇ ਡਰਾਇਆ ਅਤੇ ਭਾਰੀ ਮਾਤਰਾ ਵਿਚ ਨਕਦੀ ਲੁੱਟ ਕੇ ਫ਼ਰਾਰ ਹੋ ਗਿਆ।
ਹੈਵਾਨੀਅਤ ਦੀ ਹੱਦ ਟੱਪਿਆ ਪਤੀ ! ਪਤਨੀ ਦੇ ਕੀਤੇ 200 ਤੋਂ ਜ਼ਿਆਦਾ ਟੁਕੜੇ, ਵਾਸ਼ਿੰਗ ਮਸ਼ੀਨ-ਮਾਈਕ੍ਰੋਵੇਵ ‘ਚ ਪਾ ਕੇ ਪਾਲਤੂ ਜਾਨਵਰਾਂ ਨੂੰ ਵੀ ਮਾਰ ਮੁਕਾਇਆਹੈਵਾਨੀਅਤ ਦੀ ਹੱਦ ਟੱਪਿਆ ਪਤੀ ! ਪਤਨੀ ਦੇ ਕੀਤੇ 200 ਤੋਂ ਜ਼ਿਆਦਾ ਟੁਕੜੇ, ਵਾਸ਼ਿੰਗ ਮਸ਼ੀਨ-ਮਾਈਕ੍ਰੋਵੇਵ ‘ਚ ਪਾ ਕੇ ਪਾਲਤੂ ਜਾਨਵਰਾਂ ਨੂੰ ਵੀ ਮਾਰ ਮੁਕਾਇਆ
ਮੈਟਰੋਪੋਲੀਟਨ ਪੁਲਿਸ ਨੇ ਕਿਹਾ ਕਿ ਜਾਸੂਸਾਂ ਦੀ ਮਦਦ ਨਾਲ ਉਸਦੀ ਪਛਾਣ ਕੀਤੀ ਗਈ ਅਤੇ ਰਾਜਵਿੰਦਰ ਨੂੰ ਵੀਰਵਾਰ ਨੂੰ ਹਾਉਂਸਲੋ ਸਥਿਤ ਉਸਦੇ ਘਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਰਾਜਵਿੰਦਰ ਲੁੱਟ-ਖੋਹ ਅਤੇ ਨਕਲੀ ਹਥਿਆਰ ਰੱਖਣ ਦੇ ਦੋਸ਼ਾਂ ਤਹਿਤ ਸ਼ਨੀਵਾਰ ਨੂੰ ਐਕਸਬ੍ਰਿਜ ਮੈਜਿਸਟ੍ਰੇਟ ਅਦਾਲਤ ਵਿੱਚ ਪੇਸ਼ ਹੋਇਆ। ਉਹ ਹਿਰਾਸਤ ਵਿੱਚ ਹੈ ਅਤੇ 6 ਮਈ ਨੂੰ ਆਇਲਵਰਥ ਕਰਾਊਨ ਕੋਰਟ ਵਿੱਚ ਪੇਸ਼ ਹੋਵੇਗਾ।