ਅਲ ਹਸਾਕਾ : ਸੀਰੀਆ ਵਿਚ ਇਸਲਾਮਿਕ ਸਟੇਟ ਦੇ ਅੱਤਵਾਦੀਆਂ ਅਤੇ ਕੁਰਦ ਫੋਰਸ ਦੇ ਵਿਚਾਲੇ ਚਾਰ ਦਿਨ ਤੋਂ ਜਾਰੀ ਸੰਘਰਸ਼ ਵਿਚ ਐਤਵਾਰ ਤੱਕ 136 ਲੋਕਾਂ ਦੀ ਮੌਤ ਹੋ ਗਈ।
ਅੱਤਵਾਦੀਆਂ ਅਤੇ ਕੁਰਦ ਫੌਜ ਦੇ ਵਿਚ ਇਸ ਲੜਾਈ ਦੀ ਸ਼ੁਰੂਆਤ ਵੀਰਵਾਰ ਨੂੰ ਹੋਈ ਸੀ। ਆਈਐਸ ਦੇ 100 ਤੋਂ ਜ਼ਿਆਦਾ ਅੱਤਵਾਦੀਆਂ ਨੇ ਅਪਣੇ ਸਾਥੀਆਂ ਨੂੰ ਛੁਡਾਉਣ ਲਈ ਸੀਰੀਆ ਦੇ ਅਲ ਹਸਾਕਾ ਸ਼ਹਿਰ ਦੀ ਘਵਰੇਨ ਜੇਲ੍ਹ ‘ਤੇ ਹਮਲਾ ਕੀਤਾ।
ਜਿਸ ਦੋਂ ਬਾਅਦ ਕੁਰਦ ਫੋਰਸ ਨੇ ਇਨ੍ਹਾਂ ‘ਤੇ ਜਵਾਬੀ ਹਮਲਾ ਕੀਤਾ।
ਬ੍ਰਿਟੇਨ ਦੀ ਸੀਰੀਅਨ ਆਬਜ਼ਰਵੇਰਟਰੀ ਫਾਰ ਹਿਊਮਨ ਰਾਈਟਸ ਮੁਤਾਬਕ, ਆਈਐਸ ਦੇ ਲੜਾਕਿਆਂ ਨੇ ਜੇਲ੍ਹ ‘ਤੇ ਹਮਲਾ ਕਰਕੇ ਅਪਣੇ ਕਈ ਸਾਥੀਆਂ ਨੂੰ ਛੁਡਾ ਲਿਆ ਅਤੇ ਬਹੁਤ ਸਾਰੇ ਹਥਿਆਰ ਲੁੱਟ ਲਏ।
ਮਾਹਰਾਂ ਦਾ ਕਹਿਣਾ ਹੈ ਕਿ ਇਸਲਾਮਿਕ ਸਟੇਟ ਇੱਕ ਵਾਰ ਮੁੜ ਤੋਂ ਸੀਰੀਆ ਵਿਚ ਅਪਣੀ ਪਕੜ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹਾਲ ਦੇ ਮਹੀਨਿਆਂ ਵਿਚ ਇਸ ਨਾਲ ਜੁੜੇ ਕਈ ਸਲਿੱਪਰ ਸੈਲ ਵਿਚ ਵੀ ਸਰਗਰਮ ਹੋ ਚੁੱਕੇ ਹਨ।
ਕੁਰਦ ਸੀਰੀਅਨ ਡੈਮਕ੍ਰੇਟਿਕ ਫੋਰਸ ਨੇ ਕਿਹਾ ਕਿ ਜੇਲ੍ਹ ਦੇ ਆਸ ਪਾਸ ਦੇ ਇਲਾਕੇ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਅੱਤਵਾਦੀ ਹੁਣ ਜ਼ਿਆਦਾ ਦੇਰ ਤੱਕ ਬਚ ਨਹੀਂ ਸਕਣਗੇ। ਮੀਡੀਆ ਰਿਪੋਰਟ ਮੁਤਾਬਕ ਇਸ ਲੜਾਈ ਵਿਚ ਹੁਣ ਤੱਕ ਆਈਐਸ ਦੇ 84 ਅੱਤਵਾਦੀ ਅਤੇ 45 ਕੁਰਦ ਲੜਾਕੇ ਮਾਰੇ ਗਏ ਹਨ। ਜਾਨ ਗਵਾਉਣ ਵਾਲਿਆਂ ਵਿਚ 7 ਆਮ ਨਾਗਰਿਕ ਵੀ ਸ਼ਾਮਲ ਹਨ। ਯੂਨੀਸੇਫ ਨੇ ਹਿਰਾਸਤ ਵਿਚ ਲਏ ਗਏ 850 ਨਾਬਾਲਿਗਾਂ ਦੀ ਸੁਰੱਖਿਆ ਦੀ ਮੰਗ ਕੀਤੀ ਹੈ। ਕੁਰਦ ਅਧਿਕਾਰੀਆਂ ਮੁਤਾਬਕ ਇਸ ਸ਼ਹਿਰ ਦੀ ਅਲੱਗ ਅਲੱਗ ਜੇਲ੍ਹਾਂ ਵਿਚ 50 ਤੋਂ ਜ਼ਿਆਦਾ ਦੇਸ਼ਾਂ ਦੇ ਅਪਰਾਧੀਆਂ ਨੂੰ ਰੱਖਿਆ ਗਿਆ ਹੈ। ਇਨ੍ਹਾਂ ਵਿਚ ਇਸਲਾਮਿਕ ਸਟੇਟ ਦੇ 12 ਹਜ਼ਾਰ ਤੋਂ ਜ਼ਿਆਦਾ ਅੱਤਵਾਦੀ ਸ਼ਾਮਲ ਹਨ। ਅੱਤਵਾਦੀਆਂ ਦੇ ਹਮਲੇ ਤੋਂ ਪਹਿਲਾਂ ਹੀ ਜੇਲ੍ਹ ਦੇ ਅੰਦਰ ਹੁੱਲੜਬਾਜ਼ੀ ਸ਼ੁਰੂ ਹੋ ਗਈ ਸੀ। ਜਿਸ ਵਿਚ ਕੁਝ ਕੈਦੀ ਮਾਰੇ ਗਏ ਸੀ।
ਸੀਰੀਆ ਵਿਚ ਆਈਐਸ ਨੇ 2011 ਦੇ ਆਸ ਪਾਸ ਵੱਡੇ ਪੱਧਰ ‘ਤੇ ਅੱਤਵਾਦੀ ਹਮਲਿਆਂ ਦੀ ਸ਼ੁਰੂਆਤ ਕੀਤੀ ਸੀ। ਜਿਸ ਤੋਂ ਬਾਅਦ ਇਸ ਨੇ ਹਜ਼ਾਰਾਂ ਲੋਕਾਂ ਦੀ ਬਰਬਰ ਤਰੀਕੇ ਨਾਲ ਜਾਨ ਲਈ, ਲੇਕਿਨ 3 ਸਾਲ ਪਹਿਲਾਂ ਅਮਰੀਕੀ ਫੋਰਸਾਂ ਦੇ ਹਮਲੇ ਤੋਂ ਬਾਅਦ ਇਸ ਇਲਾਕੇ ਤੋਂ ਇਨ੍ਹਾਂ ਦੇ ਪੈਰ ਉਖੜ ਗਏ ਸੀ। ਅੱਤਵਾਦੀ ਹੁਣ ਮੁੜ ਇੱਕ ਵਾਰ ਇਸ ਇਲਾਕੇ ਵਿਚ ਅਪਣੀ ਸਰਦਾਰੀ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
