Tata Group Market Value: ਟਾਟਾ ਗਰੁੱਪ ਅੱਜ ਪੂਰੀ ਦੁਨੀਆ ਵਿੱਚ ਭਰੋਸੇ ਦਾ ਪ੍ਰਤੀਕ ਬਣ ਗਿਆ ਹੈ। ਟਾਟਾ ਗਰੁੱਪ ਦੀ ਕੰਪਨੀ ਨੇ ਆਪਣੇ ਨਿਵੇਸ਼ਕਾਂ ਨੂੰ ਕਦੇ ਨਿਰਾਸ਼ ਨਹੀਂ ਕੀਤਾ। ਹੁਣ ਇਸ ਗਰੁੱਪ ਨੂੰ ਲੈ ਕੇ ਇੱਕ ਹੋਰ ਵੱਡੀ ਖਬਰ ਸਾਹਮਣੇ ਆਈ ਹੈ। ਟਾਟਾ ਗਰੁੱਪ ਦਾ ਬਾਜ਼ਾਰ ਮੁੱਲ ਗੁਆਂਢੀ ਦੇਸ਼ ਪਾਕਿਸਤਾਨ ਦੀ ਪੂਰੀ ਅਰਥਵਿਵਸਥਾ ਤੋਂ ਵੱਧ ਹੋ ਗਿਆ ਹੈ।
ਖ਼ਬਰ ਲਿਖੇ ਜਾਣ ਤੱਕ ਭਾਰਤ ਦੇ ਇਸ ਸਭ ਤੋਂ ਵੱਡੇ ਕਾਰੋਬਾਰੀ ਘਰਾਣੇ ਦਾ ਬਾਜ਼ਾਰ ਮੁੱਲ 365 ਬਿਲੀਅਨ ਡਾਲਰ ਜਾਂ 30.3 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ ਜਦੋਂਕਿ ਆਈਐਮਐਫ ਦੇ ਮੁਲਾਂਕਣ ਅਨੁਸਾਰ ਪਾਕਿਸਤਾਨ ਦੀ ਸਮੁੱਚੀ ਜੀਡੀਪੀ ਲਗਭਗ 341 ਬਿਲੀਅਨ ਡਾਲਰ ਹੈ।
ਟੀਸੀਐਸ ਦੀ ਮਾਰਕੀਟ ਕੈਪ ਪਾਕਿਸਤਾਨ ਦੀ ਅੱਧੀ ਆਰਥਿਕਤਾ ਦੇ ਬਰਾਬਰ ਹੈ
ਟਾਟਾ ਗਰੁੱਪ ਦੀ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (TCS), 15 ਲੱਖ ਕਰੋੜ ਰੁਪਏ ਜਾਂ $170 ਬਿਲੀਅਨ ਦੇ ਬਾਜ਼ਾਰ ਮੁੱਲ ਦੇ ਨਾਲ, ਨਾ ਸਿਰਫ਼ ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਕੰਪਨੀ ਹੈ, ਸਗੋਂ ਇਸਦਾ ਬਾਜ਼ਾਰ ਪੂੰਜੀਕਰਣ ਪਾਕਿਸਤਾਨ ਦੀ ਅਰਥਵਿਵਸਥਾ ਦੇ ਲਗਭਗ ਅੱਧੇ ਦੇ ਬਰਾਬਰ ਹੈ। ਦੱਸ ਦੇਈਏ ਕਿ ਪਾਕਿਸਤਾਨ ਇਸ ਸਮੇਂ ਭਾਰੀ ਕਰਜ਼ੇ ਦੇ ਬੋਝ ਹੇਠ ਦੱਬਿਆ ਹੋਇਆ ਹੈ।
ਟਾਟਾ ਮੋਟਰਜ਼, ਟ੍ਰੇਂਟ ਵਰਗੀਆਂ ਕੁਝ ਟਾਟਾ ਸਮੂਹ ਕੰਪਨੀਆਂ ਦੇ ਸ਼ੇਅਰ ਪਿਛਲੇ ਇੱਕ ਸਾਲ ਵਿੱਚ ਮਲਟੀਬੈਗਰ ਸਾਬਤ ਹੋਏ ਹਨ। ਜਦੋਂ ਕਿ ਟਾਈਟਨ, ਟੀਸੀਐਸ ਅਤੇ ਟਾਟਾ ਪਾਵਰ ਵਰਗੀਆਂ ਗਰੁੱਪ ਕੰਪਨੀਆਂ ਨੇ ਵੀ ਪਿਛਲੇ ਇੱਕ ਸਾਲ ਵਿੱਚ ਚੰਗਾ ਰਿਟਰਨ ਦਿੱਤਾ ਹੈ। ਹਾਲ ਹੀ ਵਿੱਚ ਸੂਚੀਬੱਧ ਕੰਪਨੀ ਟਾਟਾ ਟੈਕਨਾਲੋਜੀ ਸਮੇਤ ਟਾਟਾ ਗਰੁੱਪ ਦੀਆਂ 8 ਕੰਪਨੀਆਂ ਦੀ ਦੌਲਤ ਪਿਛਲੇ ਇੱਕ ਸਾਲ ਵਿੱਚ ਦੁੱਗਣੀ ਤੋਂ ਵੱਧ ਹੋ ਗਈ ਹੈ। ਇਨ੍ਹਾਂ ਕੰਪਨੀਆਂ ਵਿੱਚ TRF, Trent, ਬਨਾਰਸ ਹੋਟਲਜ਼, Tata Investment Corporation, Tata Motors, Automobile Corporation of Goa ਅਤੇ Artesan Engineering ਸ਼ਾਮਲ ਹਨ।
ਟਾਟਾ ਸਮੂਹ ਦੀਆਂ ਘੱਟੋ-ਘੱਟ 25 ਕੰਪਨੀਆਂ ਸਟਾਕ ਮਾਰਕੀਟ ਵਿੱਚ ਸੂਚੀਬੱਧ ਹਨ, ਜਿਨ੍ਹਾਂ ਵਿੱਚੋਂ ਟਾਟਾ ਕੈਮੀਕਲਜ਼ ਕੰਪਨੀ ਇੱਕੋ ਇੱਕ ਹੈ ਜਿਸ ਨੇ ਪਿਛਲੇ ਇੱਕ ਸਾਲ ਵਿੱਚ 5% ਦਾ ਨਕਾਰਾਤਮਕ ਰਿਟਰਨ ਦਿੱਤਾ ਹੈ। ਇਸ ਨੂੰ ਛੱਡ ਕੇ ਟਾਟਾ ਦੀਆਂ ਸਾਰੀਆਂ ਕੰਪਨੀਆਂ ਨੇ ਪਿਛਲੇ ਇਕ ਸਾਲ ‘ਚ ਨਿਵੇਸ਼ਕਾਂ ਲਈ ਕਾਫੀ ਪੈਸਾ ਕਮਾਇਆ ਹੈ।
ਇਸ ਤੋਂ ਇਲਾਵਾ ਟਾਟਾ ਸਮੂਹ ਦੀਆਂ ਗੈਰ-ਸੂਚੀਬੱਧ ਕੰਪਨੀਆਂ ਜਿਵੇਂ ਟਾਟਾ ਸੰਨਜ਼, ਟਾਟਾ ਕੈਪੀਟਲ, ਟਾਟਾ ਪਲੇ, ਟਾਟਾ ਐਡਵਾਂਸਡ ਸਿਸਟਮ, ਏਅਰ ਇੰਡੀਆ ਅਤੇ ਵਿਸਤਾਰਾ ਅਤੇ ਸੱਤ ਹੋਰ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ ਵੀ 160 ਤੋਂ 170 ਅਰਬ ਡਾਲਰ ਤੱਕ ਪਹੁੰਚ ਗਿਆ ਹੈ।
ਟਾਟਾ ਕੈਪੀਟਲ ਕੰਪਨੀ ਦਾ ਆਈਪੀਏ ਵੀ ਅਗਲੇ ਸਾਲ ਆਉਣ ਵਾਲਾ ਹੈ। ਇਸ ਗੈਰ-ਸੂਚੀਬੱਧ ਕੰਪਨੀ ਦੀ ਮਾਰਕੀਟ ਪੂੰਜੀ 2.7 ਲੱਖ ਕਰੋੜ ਰੁਪਏ ਹੈ। ਟਾਟਾ ਗਰੁੱਪ ਦੀ ਟਾਟਾ ਪਲੇ ਕੰਪਨੀ ਨੂੰ ਪਹਿਲਾਂ ਹੀ ਆਈਪੀਓ ਲਈ ਸੇਬੀ ਦੀ ਮਨਜ਼ੂਰੀ ਮਿਲ ਚੁੱਕੀ ਹੈ।