ਕੇਂਦਰੀ ਬੈਂਕ ਨੇ ਆਪਣੀ ਪ੍ਰੈੱਸ ਰਿਲੀਜ਼ ‘ਚ ਕਿਹਾ ਹੈ ਕਿ 29 ਫਰਵਰੀ ਤੋਂ ਬਾਅਦ ਪੇਟੀਐੱਮ ਵਾਲਿਟ, ਪੇਟੀਐੱਮ ਫਾਸਟੈਗ, ਮਨੀ ਟ੍ਰਾਂਸਫਰ, ਕ੍ਰੈਡਿਟ ਲੈਣ-ਦੇਣ ਤੇ ਹੋਰ ਸੇਵਾਵਾਂ ‘ਤੇ ਅਸਰ ਪਵੇਗਾ।
ਸੈਂਟਰਲ ਬੈਂਕ ਦੇ ਚੀਫ਼ ਜਨਰਲ ਮੈਨੇਜਰ ਯੋਗੇਸ਼ ਦਿਆਲ ਨੇ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਕਿ 29 ਫਰਵਰੀ, 2024 ਤੋਂ ਬਾਅਦ, ਕੋਈ ਵੀ ਗਾਹਕ ਖਾਤਾ, ਪ੍ਰੀਪੇਡ ਟੂਲ, ਵਾਲਿਟ, FASTags, NCMC ਕਾਰਡ ਆਦਿ ਕੰਮ ਨਹੀਂ ਕਰੇਗਾ। ਵਿਆਜ, ਕੈਸ਼ਬੈਕ ਜਾਂ ਰਿਫੰਡ ਤੋਂ ਇਲਾਵਾ, ਕੋਈ ਜਮ੍ਹਾ ਜਾਂ ਕ੍ਰੈਡਿਟ ਲੈਣ-ਦੇਣ ਜਾਂ ਟਾਪ ਅੱਪ ਦੀ ਆਗਿਆ ਨਹੀਂ ਹੋਵੇਗੀ।
ਕੀ ਹਟਾ ਲਈ ਗਈ ਹੈ ਪਾਬੰਦੀ?
ਤੁਹਾਨੂੰ ਦੱਸ ਦੇਈਏ ਕਿ ਪੇਟੀਐਮ ਦੇ ਸੰਸਥਾਪਕ ਵਿਜੇ ਸ਼ੇਖਰ ਸ਼ਰਮਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਆਪਣੀ ਪੋਸਟ ਦੇ ਜ਼ਰੀਏ ਕਿਹਾ ਕਿ ਪੇਟੀਐਮ 29 ਫਰਵਰੀ ਤੋਂ ਬਾਅਦ ਹੀ ਪਹਿਲਾਂ ਦੀ ਤਰ੍ਹਾਂ ਕੰਮ ਕਰੇਗਾ।
ਉਨ੍ਹਾਂ ਨੇ ਆਪਣੇ ਟਵੀਟ ਵਿੱਚ ਲਿਖਿਆ ਕਿ ਤੁਹਾਡੀ ਪਸੰਦੀਦਾ ਐਪ ਕੰਮ ਕਰ ਰਹੀ ਹੈ ਇਹ 29 ਫਰਵਰੀ ਤੋਂ ਬਾਅਦ ਵੀ ਆਮ ਵਾਂਗ ਕੰਮ ਕਰਦੀ ਰਹੇਗੀ। ਮੈਂ ਪੇਟੀਐਮ ਟੀਮ ਦੇ ਹਰ ਮੈਂਬਰ ਦੇ ਨਾਲ ਤੁਹਾਡੇ ਅਣਥੱਕ ਸਹਿਯੋਗ ਲਈ ਤੁਹਾਨੂੰ ਸਲਾਮ ਕਰਦਾ ਹਾਂ। ਹਰ ਚੁਣੌਤੀ ਦਾ ਹੱਲ ਹੁੰਦਾ ਹੈ ਅਤੇ ਅਸੀਂ ਪੂਰੀ ਤਰ੍ਹਾਂ ਪਾਲਣਾ ਕਰਦੇ ਹੋਏ ਆਪਣੇ ਦੇਸ਼ ਦੀ ਸੇਵਾ ਕਰਨ ਲਈ ਵਚਨਬੱਧ ਹਾਂ।
ਯੂਜ਼ਰਜ਼ ਨੂੰ ਭੇਜਿਆ ਸੁਨੇਹਾ
Paytm ਨੇ RBI ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਹੋਏ ਆਪਣੇ ਗਾਹਕਾਂ ਨੂੰ ਮੇਲ ਰਾਹੀਂ ਬਦਲਾਅ ਬਾਰੇ ਸੂਚਿਤ ਕੀਤਾ ਹੈ। ਹਾਲਾਂਕਿ ਹੁਣ ਤੱਕ ਆਰਬੀਆਈ ਨੇ ਇਸ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।
