ਸੱਜੇ ਹੱਥ ਦੇ ਤੇਜ਼ ਗੇਂਦਬਾਜ਼ ਨੇ ਚਾਰ ਮੈਚਾਂ ਵਿਚ 7 ਦੀ ਸ਼ਾਨਦਾਰ ਔਸਤ ਨਾਲ 16 ਵਿਕਟਾਂ ਲਈਆਂ ਹਨ। 33 ਸਾਲਾ ਸ਼ਮੀ ਨੂੰ ਸ਼ੁਰੂਆਤੀ ਮੈਚਾਂ ਵਿਚ ਭਾਰਤ ਨੇ ਨਹੀਂ ਅਜ਼ਮਾਇਆ ਕਿਉਂਕਿ ਟੀਮ ਨੂੰ ਹੇਠਲੇ ਕ੍ਰਮ ਵਿਚ ਇਕ ਵਾਧੂ ਬੱਲੇਬਾਜ਼ ਦੀ ਲੋੜ ਸੀ। ਹਾਲਾਂਕਿ ਜਦੋਂ ਤੋਂ ਉਹ ਪਲੇਇੰਗ 11 ‘ਚ ਆਇਆ ਹੈ, ਭਾਰਤ ਦਾ ਗੇਂਦਬਾਜ਼ੀ ਹਮਲਾ ਕਾਫੀ ਮਜ਼ਬੂਤ ਨਜ਼ਰ ਆ ਰਿਹਾ ਹੈ।
ਪਾਇਲ ਘੋਸ਼ ਦੀ ਵਾਇਰਲ ਪੋਸਟ
ਕੁਝ ਦਿਨ ਪਹਿਲਾਂ ਪਾਇਲ ਘੋਸ਼ ਨੇ ਆਪਣੇ ਐਕਸ ਹੈਂਡਲ ਰਾਹੀਂ ਮੁਹੰਮਦ ਸ਼ਮੀ ਨੂੰ ਵਿਆਹ ਦਾ ਪ੍ਰਸਤਾਵ ਦਿੱਤਾ ਸੀ। ਘੋਸ਼ ਨੇ ਪੋਸਟ ਕੀਤੀ, ‘ਸ਼ੰਮੀ ਆਪਣੀ ਅੰਗਰੇਜ਼ੀ ਸੁਧਾਰੋ, ਮੈਂ ਤੁਹਾਡੇ ਨਾਲ ਵਿਆਹ ਕਰਨ ਲਈ ਤਿਆਰ ਹਾਂ।’ ਇਹ ਪੋਸਟ 2 ਨਵੰਬਰ ਨੂੰ ਕੀਤੀ ਗਈ ਸੀ ਪਰ ਹਾਲ ਹੀ ‘ਚ ਵਾਇਰਲ ਹੋਈ ਹੈ।
ਜ਼ਿਕਰਯੋਗ ਹੈ ਕਿ ਪਾਇਲ ਘੋਸ਼ ਵਰਸ਼ਧਾਰੇ, ਪ੍ਰਯਾਨਮ, ਊਸਾਰਵੇਲੀ, ਮਿਸਟਰ ਰਾਸਕਲ ਅਤੇ ਪਟੇਲ ਕੀ ਪੰਜਾਬੀ ਸ਼ਾਦੀ ਸਮੇਤ ਹੋਰ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਹੈ। 2020 ਵਿਚ ਉਸ ਨੂੰ ਰਾਮਦਾਸ ਅਠਾਵਲੇ ਦੀ ਰਾਜਨੀਤਿਕ ਪਾਰਟੀ – ਦ ਰਿਪਬਲਿਕਨ ਪਾਰਟੀ ਆਫ਼ ਇੰਡੀਆ ਦੇ ਮਹਿਲਾ ਵਿੰਗ ਦੀ ਉਪ-ਪ੍ਰਧਾਨ ਬਣਾਇਆ ਗਿਆ ਸੀ।
ਮੁਹੰਮਦ ਸ਼ਮੀ ਦਾ ਕਰੀਅਰ
ਮੁਹੰਮਦ ਸ਼ਮੀ ਨੇ ਹੁਣ ਤੱਕ 64 ਟੈਸਟ ਮੈਚਾਂ ‘ਚ 229 ਵਿਕਟਾਂ ਲਈਆਂ ਹਨ। ਉਸ ਨੇ 98 ਵਨਡੇ ਮੈਚਾਂ ‘ਚ 187 ਵਿਕਟਾਂ ਲਈਆਂ ਹਨ। ਇਸ ਤੋਂ ਇਲਾਵਾ ਸ਼ਮੀ ਨੇ 23 ਟੀ-20 ਅੰਤਰਰਾਸ਼ਟਰੀ ਮੈਚਾਂ ‘ਚ 24 ਵਿਕਟਾਂ ਲਈਆਂ ਹਨ। ਸ਼ਮੀ ਇਸ ਸਮੇਂ ਸ਼ਾਨਦਾਰ ਫੋਰਮ ‘ਚ ਹੈ ਅਤੇ ਦੇਸ਼ ਨੂੰ ਆਉਣ ਵਾਲੇ ਮੈਚਾਂ ‘ਚ ਉਸ ਤੋਂ ਸ਼ਾਨਦਾਰ ਪ੍ਰਦਰਸ਼ਨ ਦੀ ਉਮੀਦ ਹੈ।
