ਨਵੀਂ ਦਿੱਲੀ, ਟੈੱਕ ਡੈਸਕ : ਜੇਕਰ ਤੁਸੀਂ ਵੀ ਇੰਸਟੈਂਟ ਮੈਸੇਜਿੰਗ ਐਪ ਵ੍ਹਟਸਐਪ ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਆਰਟੀਕਲ ਤੁਹਾਡੇ ਲਈ ਹੀ ਲਿਖਿਆ ਜਾ ਰਿਹਾ ਹੈ। ਹਾਲ ਹੀ ‘ਚ ਕੰਪਨੀ ਨੇ ਵ੍ਹਟਸਐਪ ਯੂਜ਼ਰਜ਼ ਲਈ ਚੈਟ ਲੌਕ ਫੀਚਰ ਪੇਸ਼ ਕੀਤਾ ਸੀ। ਇਸ ਤੋਂ ਤੁਰੰਤ ਬਾਅਦ ਕੰਪਨੀ ਨੇ ਯੂਜ਼ਰਜ਼ ਲਈ ਐਡਿਟ ਮੈਸੇਜ ਫੀਚਰ ਰੋਲਆਊਟ ਕੀਤਾ ਸੀ।
ਇਸ ਕੜੀ ‘ਚ ਯੂਜ਼ਰਜ਼ ਲਈ ਬਹੁਤ ਜਲਦ ਕੁਝ ਨਵੇਂ ਫੀਚਰਜ਼ ਨੂੰ ਰੋਲਆਊਟ ਕੀਤਾ ਜਾ ਰਿਹਾ ਹੈ। ਕੰਪਨੀ ਵ੍ਹਟਸਐਪ ਯੂਜ਼ਰਜ਼ ਲਈ ਚਾਰ ਨਵੇਂ ਫੀਚਰ ਰੋਲ ਆਊਟ ਕਰਨ ਵਾਲੀ ਹੈ। ਇਸ ਲੇਖ ਵਿਚ ਅਸੀਂ WhatsApp ਦੇ ਆਉਣ ਵਾਲੇ ਫੀਚਰਜ਼ ਬਾਰੇ ਦੱਸਣ ਜਾ ਰਹੇ ਹਾਂ-
WhatsApp ‘ਤੇ ਪਾਸਵਰਡ ਯਾਦ ਰੱਖਣਾ ਕਿਵੇਂ ਹੋਵੇਗਾ ਆਸਾਨ ?
ਵ੍ਹਟਸਐਪ ਦੇ ਹਰ ਅਪਡੇਟ ‘ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ WABetaInfo ਦੀ ਰਿਪੋਰਟ ਮੁਤਾਬਕ ਯੂਜ਼ਰਜ਼ ਲਈ ਪਾਸਵਰਡ ਰੀਮਾਈਂਡਰ ਫੀਚਰ ਲਿਆਂਦਾ ਜਾ ਰਿਹਾ ਹੈ।
ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਜ਼ ਆਪਣੇ ਐਂਡ-ਟੂ-ਐਂਡ ਐਨਕ੍ਰਿਪਟਡ ਬੈਕਅੱਪ ਪਾਸਵਰਡ ਦੀ ਪੁਸ਼ਟੀ ਕਰ ਸਕਣਗੇ। ਜੇਕਰ ਯੂਜ਼ਰਜ਼ ਆਪਣੇ ਵੱਲੋਂ ਸੈੱਟ ਕੀਤਾ ਪਾਸਵਰਡ ਭੁੱਲ ਜਾਂਦਾ ਹੈ ਤਾਂ ਉਸਨੂੰ ਪਾਸਵਰਡ ਬਦਲਣ ਦੀ ਸਹੂਲਤ ਵੀ ਮਿਲੇਗੀ।
ਯੂਜ਼ਰ ਪ੍ਰਾਈਵੇਸੀ ਲਈ ਕਿਹੜਾ ਨਵਾਂ ਫੀਚਰ ਜੁੜੇਗਾ ?
ਵ੍ਹਟਸਐਪ ਯੂਜ਼ਰਜ਼ ਲਈ ਯੂਨੀਕ ਯੂਜ਼ਰਨੇਮ ਫੀਚਰ ਲਿਆਉਣ ਦੀ ਵੀ ਖਬਰ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰ ਆਪਣੇ ਅਕਾਊਂਟ ਲਈ ਵੱਖਰਾ ਯੂਜ਼ਰਨੇਮ ਚੁਣ ਸਕਣਗੇ। ਇਹ ਫੀਚਰ ਯੂਜ਼ਰ ਨੂੰ ਸੈਟਿੰਗ ਵਿਚ ਪ੍ਰੋਫਾਈਲ ਮੈਨਿਊ ਵਿਚ ਯੂਜ਼ਰਨੇਮ ਨਾਲ ਨਜ਼ਰ ਆ ਸਕਦਾ ਹੈ। ਹਾਲਾਂਕਿ ਕੰਪਨੀ ਦਾ ਇਹ ਫੀਚਰ ਅਜੇ ਡਿਵੈਲਪਿੰਗ ਸਟੇਜ ‘ਤੇ ਹੈ।
ਗੂਗਲ ਮੀਟ ਵਰਗੇ ਕਿਹੜਾ ਫੀਚਰ ਮਿਲੇਗਾ ਵ੍ਹਟਸਐਪ ‘ਚ ?
ਵ੍ਹਟਸਐਪ ਦੇ ਨਵੇਂ ਫੀਚਰ ਨੂੰ ਲੈ ਕੇ ਖਬਰਾਂ ਆਈਆਂ ਹਨ ਕਿ ਸਕ੍ਰੀਨ ਸ਼ੇਅਰਿੰਗ ਫੀਚਰ ਨੂੰ ਯੂਜ਼ਰਜ਼ ਲਈ ਬਹੁਤ ਜਲਦ ਰੋਲਆਊਟ ਕਰ ਦਿੱਤਾ ਜਾਵੇਗਾ।
ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਵੀਡੀਓ ਕਾਲ ਦੌਰਾਨ ਆਪਣੇ ਪਾਰਟਨਰ ਨਾਲ ਸਕਰੀਨ ਸ਼ੇਅਰ ਕਰ ਸਕਣਗੇ। ਨਵੇਂ ਫੀਚਰ ਨੂੰ ਯੂਜ਼ਰਜ਼ ਲਈ ਨਵੇਂ ਆਈਕਨ ਨਾਲ ਲਿਆਂਦਾ ਜਾ ਰਿਹਾ ਹੈ। ਇਹ ਗੂਗਲ ਮੀਟ ਵਰਗਾ ਫੀਚਰ ਹੋਵੇਗਾ।
ਸੈਟਿੰਗ ਪੇਜ ਨੂੰ ਲੈ ਕੇ ਕਿਹੜਾ ਬਦਲਾਅ ਹੋਵੇਗਾ
WhatsApp ਯੂਜ਼ਰਜ਼ ਲਈ ਇਕ ਨਵਾਂ ਸੈਟਿੰਗ ਇੰਟਰਫੇਸ ਵੀ ਕੰਮ ਕਰ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਜਲਦ ਹੀ ਨਵੇਂ ਫੀਚਰ ਨੂੰ ਯੂਜ਼ਰਜ਼ ਲਈ ਰੋਲ ਆਊਟ ਕਰੇਗੀ। ਹਾਲਾਂਕਿ, ਇਹ ਫੀਚਰ ਅਜੇ ਵੀ ਡਿਵੈੱਲਪਿੰਗ ਸਟੇਜ ‘ਤੇ ਹੈ।