ਕਹਿੰਦੇ ਹਨ ਕਿ ਇਨਸਾਨ ਨੂੰ ਮੇਹਨਤ ਅੱਗੇ ਲੈਕੇ ਜਾਂਦੀ ਹੈ, ਪਰ ਜੇ ਮੇਹਨਤ ਨਾਲ ਕਿਸਮਤ ਵੀ ਸਾਥ ਦੇਵੇ ਤਾਂ ਇਨਸਾਨ ਬੁਲੰਦੀਆਂ `ਤੇ ਪਹੁੰਚ ਜਾਂਦਾ ਹੈ। ਕਿਸਮਤ ਦੀ ਗੱਲ ਹੈ ਕਿ ਇੱਕ ਪਲ `ਚ ਰਾਜਾ ਵੀ ਭਿਖਾਰੀ ਬਣ ਜਾਂਦਾ ਹੈ। ਕੁੱਝ ਇਸੇ ਤਰ੍ਹਾਂ ਦੀ ਕਹਾਣੀ ਹੈ ਇਸ ਕ੍ਰਿਕੇਟਰ ਦੀ, ਜਿਸ ਬਾਰੇ ਅੱਜ ਤੁਹਾਨੂੰ ਦੱਸਣ ਜਾ ਰਹੇ ਹਾਂ। ਜੀ ਹਾਂ, ਇਸ ਕ੍ਰਿਕੇਟਰ ਦਾ ਨਾਂ ਹੈ ਕਾਮਰਾਨ ਖਾਨ, ਜੋ ਕਦੇ ਆਈਪੀਐਲ ਸਟਾਰ ਸੀ, ਪਰ ਅੱਜ ਗੁੰਮਨਾਮੀ ਦੀ ਜ਼ਿੰਦਗੀ ਜੀ ਰਿਹਾ ਹੈ।
ਆਈਪੀਐਲ ਦੇ ਇਤਿਹਾਸ ਵਿੱਚ ਪਹਿਲਾ ਸੁਪਰ ਓਵਰ ਗੇਂਦਬਾਜ਼ੀ ਦਾ ਰਿਕਾਰਡ ਕਮਰਾਨ ਖਾਨ ਦੇ ਨਾਮ ਹੈ। ਆਈ.ਪੀ.ਐੱਲ. ਦੇ ਸ਼ੁਰੂਆਤੀ ਸੀਜ਼ਨ ‘ਚ ਕਾਮਰਾਨ ਇਕ ਅਜਿਹੇ ਗੇਂਦਬਾਜ਼ ਦੇ ਰੂਪ ‘ਚ ਉਭਰਿਆ ਸੀ, ਜਿਸ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਇਹ ਗੇਂਦਬਾਜ਼ ਆਉਣ ਵਾਲੇ ਸਮੇਂ ‘ਚ ਵੱਡਾ ਨਾਂ ਕਮਾਏਗਾ। ਪਰ ਬਦਕਿਸਮਤੀ ਇਹ ਸੀ ਕਿ ਆਈਪੀਐਲ ਦੇ ਖੋਜੀ ਮੰਨੇ ਜਾਣ ਵਾਲੇ ਕਾਮਰਾਨ ਹੁਣ ਨਾ ਸਿਰਫ਼ ਫ੍ਰੈਂਚਾਇਜ਼ੀ ਕ੍ਰਿਕਟ ਸਗੋਂ ਭਾਰਤੀ ਕ੍ਰਿਕਟ ਤੋਂ ਵੀ ਦੂਰ ਹੋ ਗਏ ਹਨ। ਜਿਸ ਗੇਂਦਬਾਜ਼ ਨੂੰ ਸ਼ੇਨ ਵਾਰਨ ਨੇ ਲੱਭਿਆ ਸੀ, ਉਹ ਹੁਣ ਸਥਾਨਕ ਕ੍ਰਿਕਟ ਖੇਡ ਕੇ ਰੋਜ਼ੀ-ਰੋਟੀ ਕਮਾ ਰਿਹਾ ਹੈ।
ਕਾਮਰਾਨ ਸਥਾਨਕ ਕ੍ਰਿਕਟ ‘ਚ ਟੈਨਿਸ ਕ੍ਰਿਕਟ ਖੇਡ ਕੇ ਆਪਣਾ ਗੁਜ਼ਾਰਾ ਚਲਾ ਰਿਹਾ ਹੈ
ਦੱਸ ਦੇਈਏ ਕਿ ਕਾਮਰਾਨ ਨੇ ਇੰਸਟਾਗ੍ਰਾਮ ‘ਤੇ ਆਪਣੀਆਂ ਕਈ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ, ਜਿਸ ‘ਚ ਉਹ ਲੋਕਲ ਕ੍ਰਿਕਟ ਖੇਡਦੇ ਨਜ਼ਰ ਆ ਰਹੇ ਹਨ। ਵੀਡੀਓ ‘ਚ ਕਾਮਰਾਨ ਟੈਨਿਸ ਬਾਲ ਨਾਲ ਸਥਾਨਕ ਕ੍ਰਿਕਟ ਖੇਡ ਰਿਹਾ ਹੈ। ਕਾਮਰਾਨ ਨੇ ਅਜਿਹੇ ਕਈ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੇ ਹਨ।