ਮੈਕਸਿਕੋ : ਉਤਰੀ ਅਮਰੀਕਾ ਤੋਂ ਇੱਕ ਹੈਰਾਨ ਕਰ ਦੇਣ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ਇਥੇ ਮੈਕਸਿਕੋ ਦੇ ਕੁਆਉਟੇਮੋਕ ਸ਼ਹਿਰ ਵਿਚ ਪੰਛੀਆਂ ਦਾ ਇੱਕ ਝੁੰਡ ਆਸਮਾਨ ਤੋਂ ਅਚਾਨਕ ਜ਼ਮੀਨ ’ਤੇ ਆ ਡਿੱਗਿਆ। ਇਨ੍ਹਾਂ ਵਿਚ ਕਈ ਪਰਿੰਦਿਆਂ ਦੀ ਮੌਤ ਹੋ ਗਈ। ਘਟਨਾ 7 ਫਰਵਰੀ ਦੀ ਦੱਸੀ ਜਾ ਰਹੀ ਹੈ। ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਿਹਾ ਹੈ। ਟਵਿਟਰ ’ਤੇ 14 ਲੱਖ ਤੋਂ ਜ਼ਿਆਦਾ ਵਾਰ ਇਸ ਨੂੰ ਦੇਖਿਆ ਜਾ ਚੁੱਕਾ ਹੈ। ਕਈ ਲੋਕਾਂ ਨੇ ਇਸ ਘਟਨਾ ਦੇ ਲਈ ਪ੍ਰਦੂਸ਼ਣ, 5ਜੀ ਟੈਕਨਾਲੌਜੀ ਅਤੇ ਬਿਜਲੀ ਦੀਆਂ ਤਾਰਾਂ ਨੂੰ ਜ਼ਿੰਮੇਵਾਰ ਦੱਸਿਆ ਹੈ। ਮਾਹਰਾਂ ਮੁਤਾਬਕ ਘਟਨਾ ਦਾ ਕਾਰਨ ਇਹ ਵੀ ਹੋ ਸਕਦਾ ਹੈ ਕਿ ਬਾਜ ਜਿਹੇ ਕਿਸੇ ਵੱਡੇ ਪੰਛੀ ਨੇ ਇਨ੍ਹਾਂ ਦੇ ਸ਼ਿਕਾਰ ਦੀ ਕੋਸ਼ਿਸ਼ ਕੀਤੀ ਹੋਵੇ। ਇਸ ਕਾਰਨ ਵੱਡੀ ਗਿਣਤੀ ਵਿਚ ਪੰਛੀ ਜ਼ਮੀਨ ’ਤੇ ਡਿੱਗ ਕੇ ਮਰ ਗਏ ਹੋਣ।
ਅਮਰੀਕਾ ਵਿਚ 5ਜੀ ਹੋਮ ਇੰਟਰਨੈਟ ਸਰਵਿਸ ਅਕਤੂਬਰ 2018 ਵਿਚ ਸ਼ੁਰੂ ਕੀਤੀ ਗਈ ਸੀ। ਇਹ ਹਾਈ ਸਪੀਡ ਇੰਟਰਨੈਟ ਤਕਨੀਕ ਸਭ ਤੋਂ ਪਹਿਲਾਂ ਅਪੈ੍ਰਲ 2019 ਵਿਚ ਸਾਊਥ ਕੋਰੀਆ ਵਿਚ ਲਾਂਚ ਕੀਤੀ ਗਈ ਸੀ। ਉਸ ਤੋਂ ਬਾਅਦ ਇਸ ਵਿਚ 26 ਦੇਸ਼ ਹੋਰ ਜੁੜੇ। ਫਿਲਹਾਲ 5ਜੀ ਦੇ 19 ਕਰੋੜ ਤੋਂ ਜ਼ਿਆਦਾ ਸਬਸਕਰਾਈਬਰ ਹਨ। ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਚੀਨ ਦੇ ਹਨ ਜਿੱਥੇ 5ਜੀ ਅਕਤੂਬਰ 2019 ਵਿਚ ਹੀ ਲਾਂਚ ਹੋਇਆ ਸੀ। ਇਸ ਨੂੰ ਸਮਾਰਟਫੋਨ ਦੀ ਤੁਲਨਾ ਵਿਚ ਕਈ ਤਰ੍ਹਾਂ ਦੇ ਉਪਕਰਣਾਂ ਨੂੰ ਜੋੜਨ ਲਈ ਬਣਾਇਆ ਗਿਆ ਹੈ।
ਮੈਕਸਿਕੋ ਵਿਚ ਹੈਰਾਨ ਕਰਨ ਵਾਲੀ ਘਟਨਾ ਵਾਪਰੀ
Recent Comments
Hello world!
on