ਇਸਲਾਮਾਬਾਦ: ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਘਰੇਲੂ ਜ਼ਿੰਦਗੀ ਵਿੱਚ ਵੀ ਸੁੱਖ ਦਾ ਸਾਹ ਨਹੀਂ ਮਿਲ ਰਿਹਾ। ਪਾਕਿਸਤਾਨੀ ਮੀਡੀਆ ਰਿਪੋਰਟਾਂ ਮੁਤਾਬਕ ਇਮਰਾਨ ਤੇ ਉਨ੍ਹਾਂ ਦੀ ਤੀਜੀ ਪਤਨੀ ਬੁਸ਼ਰਾ ਬੀਬੀ ਵਿਚਾਲੇ ਝਗੜਾ ਹੋ ਗਿਆ ਹੈ, ਜਿਸ ਕਰਕੇ ਬੁਸ਼ਰਾ ਇਸਲਾਮਾਬਾਦ ਵਿੱਚ ਬਣੇ ਇਮਰਾਨ ਦੇ ‘ਬਨੀ ਗਾਲਾ’ ਨੂੰ ਛੱਡ ਕੇ ਲਾਹੌਰ ਚਲੀ ਗਈ ਹੈ। ਉਥੇ ਉਹ ਆਪਣੀ ਦੋਸਤ ਸਾਨੀਆ ਸ਼ਾਹ ਨਾਲ ਰਹਿ ਰਹੀ ਹੈ। ਦੂਜੇ ਪਾਸੇ ਬੁਸ਼ਰਾ ਦੇ ਘਰ ਛੱਡਣ ਤੋ ਬਾਅਦ ਇਮਰਾਨ ਨੇ ਬਨੀ ਗਾਲਾ ਦਾ ਸਾਰਾ ਪਰਸਨਲ ਸਟਾਫ ਜਿਵੇਂ ਮਾਲੀ, ਕੁਕ ਤੇ ਡਰਾਈਵਰ ਵੀ ਬਦਲ ਦਿੱਤੇ ਹਨ। ਦੱਸ ਦੇਈਏ ਕਿ ਇਮਰਾਨ ਦੀ ਪਹਿਲੀ ਪਤਨੀ ਜੇਮਿਮਾ ਗੋਲਡਸਮਿੱਥ ਬ੍ਰਿਟਿਸ਼ ਨਾਗਰਿਕ ਸੀ। ਉਨ੍ਹਾਂ ਦੇ ਦੋ ਬੇਟੇ ਹਨ। ਇਮਰਾਨ ਦਾ ਦੂਜਾ ਵਿਆਹ ਬੀਬੀਸੀ ਦੀ ਜਰਨਲਿਸਟ ਰੇਹਮ ਖਾਨ ਨਾਲ ਹੋਇਆ ਤੇ ਇਹ ਵਿਆਹ 8 ਮਹੀਨਿਆਂ ਵਿੱਚ ਹੀ ਟੁੱਟ ਗਿਆ ਸੀ। ਤੀਜੀ ਪਤਨੀ ਬੁਸ਼ਰਾ ਹੈ। ਬੁਸ਼ਰਾ ਦੇ ਪਹਿਲੇ ਵਿਆਹ ਤੋਂ ਪੰਜ ਬੱਚੇ ਹਨ। ਦੋ ਧੀਆਂ ਦਾ ਵਿਆਹ ਹੋ ਚੁੱਕਾ ਹੈ ਤੇ ਹੁਣ ਤੀਜੀ ਪਤਨੀ ਬੁਸ਼ਰਾ ਬੀਬੀ ਵੀ ਘਰ ਛੱਡ ਕੇ ਚਲੀ ਗਈ ਹੈ। ਪਾਕਿਸਤਾਨ ਦੇ ਕਈ ਸੀਨੀਅਰ ਪੱਤਰਕਾਰਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਤੇ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ। ਇਮਰਾਨ ਦੀ ਪਾਰਟੀ ਦੇ ਸਾਂਸਦ ਆਮਿਰ ਮਲਿਕ ਨੇ ਨਵੰਬਰ ਵਿੱਚ ਇਸ਼ਾਰਾ ਕੀਤਾ ਸੀ ਕਿ ਬਨੀ ਗਾਲਾ ਵਿੱਚ ਬਵਾਲ ਚੱਲ ਰਿਹਾ ਹੈ ਤੇ ਇਮਰਾਨ ਖਾਨ ਪ੍ਰੇਸ਼ਾਨ ਹਨ।
Recent Comments
Hello world!
on