ਦੁਨੀਆ ਦੇ ਨੰਬਰ ਇੱਕ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਚ ਨੂੰ ਆਸਟੇ੍ਰਲੀਆ ਵਿਚ ਦੂਜੀ ਵਾਰ ਹਿਰਾਸਤ ’ਚ ਲਿਆ

ਮੈਲਬੌਰਨ : ਦੁਨੀਆ ਦੇ ਨੰਬਰ ਇੱਕ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਚ ਨੂੰ ਆਸਟੇ੍ਰਲੀਆ ਵਿਚ ਦੂਜੀ ਵਾਰ ਹਿਰਾਸਤ ਵਿਚ ਲਿਆ ਗਿਆ। ਆਸਟੇ੍ਰਲੀਆ ਸਰਕਾਰ ਨੇ ਦੂਜੀ ਵਾਰ ਉਨ੍ਹਾਂ ਦਾ ਵੀਜ਼ਾ ਰੱਦ ਕੀਤਾ ਸੀ। ਇਸ ਦੇ ਖ਼ਿਲਾਫ਼ ਜੋਕੋਵਿਚ ਨੇ ਆਸਟੇ੍ਰਲੀਆਈ ਅਦਾਲਤ ਵਿਚ ਅਪੀਲ ਕੀਤੀ ਸੀ ਅਤੇ ਹੁਣ ਸੁਣਵਾਈ ਤੋਂ ਪਹਿਲਾਂ ਉਨ੍ਹਾਂ ਮੁੜ ਤੋਂ ਹਿਰਾਸਤ ਵਿਚ ਲਿਆ ਗਿਆ ਹੈ।
ਜੋਕੋਵਿਚ ਦੇ ਵਕੀਲ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਹੁਣ ਆਸਟੇ੍ਰਲੀਆਈ ਅਦਾਲਤ ਇਹ ਤੈਅ ਕਰੇਗੀ ਕਿ ਜੋਕੋਵਿਚ ਕੋਰੋਨਾ ਦਾ ਟੀਕਾ ਲਗਵਾਏ ਬਗੈਰ ਆਸਟੇ੍ਰਲੀਆ ਵਿਚ ਰਹਿ ਸਕਦੇ ਹਨ ਜਾਂ ਨਹੀਂ।
ਇਸ ਤੋਂ ਪਹਿਲਾਂ ਆਸਟੇ੍ਰਲੀਆਈ ਇਮੀਗਰੇਸ਼ਨ ਮੰਤਰੀ ਅਲੈਕਸ ਹੌਕ ਨੇ ਦੂਜੀ ਵਾਰ ਨੋਵਾਕ ਜੋਕੋਵਿਚ ਦਾ ਵੀਜ਼ਾ ਰੱਦ ਕਰਦੇ ਹੋਏ ਕਿਹਾ ਸੀ ਕਿ ਉਨ੍ਹਾਂ ਨੇ ਜਨ ਹਿਤ ਵਿਚ ਇਹ ਕਦਮ ਚੁੱਕਿਆ ਹੈ।
ਜੋਕੋਵਿਚ ਦੇ ਵਕੀਲ ਨੇ ਇਸ ਮਾਮਲੇ ’ਤੇ ਕਿਹਾ ਕਿ ਆਸਟੇ੍ਰਲੀਆ ਸਰਕਾਰ ਦਾ ਇਹ ਫੈਸਲਾ ਤਰਕਹੀਣ ਹੈ। ਇਸ ਦੇ ਖ਼ਿਲਾਫ਼ ਅਦਾਲਤ ਵਿਚ ਅਪੀਲ ਕੀਤੀ ਗਈ ਹੈ। ਸ਼ਨਿੱਚਰਵਾਰ ਅਤੇ ਐਤਵਾਰ ਨੂੰ ਇਸ ’ਤੇ ਸੁਣਵਾਈ ਹੋਵੇਗੀ। ਆਸਟੇ੍ਰਲੀਅਨ ਓਪਨ ਵਿਚ ਮੁੱਖ ਦੌਰ ਦੀ ਸ਼ੁਰੂਆਤ 17 ਜਨਵਰੀ ਤੋਂ ਹੋ ਰਹੀ ਹੈ। ਇਸ ਵਿਚ ਹਿੱਸਾ ਲੈਣ ਦੇ ਲਈ ਜੋਕੋਵਿਚ ਨੂੰ ਸੋਮਵਾਰ ਤੱਕ ਟੂਰਨਾਮੈਂਟ ਦੇ ਨਾਲ ਜੁੜਨਾ ਹੋਵੇਗਾ।
ਨੋਵਾਕ ਜੇਕਰ ਅਦਾਲਤ ਵਿਚ ਇਹ ਕੇਸ ਹਾਰ ਜਾਂਦੇ ਹਨ ਤਾਂ ਉਨ੍ਹਾਂ ਦਾ ਵੀਜ਼ਾ ਰੱਦ ਹੋਵੇਗਾ ਅਤੇ ਅਗਲੇ ਤਿੰਨ ਸਾਲ ਦੇ ਲਈ ਉਨ੍ਹਾਂ ਦਾ ਆਸਟੇ੍ਰਲੀਆ ਦਾ ਵੀਜ਼ਾ ਬੈਨ ਕੀਤਾ ਜਾ ਸਕਦਾ ਹੈ।
ਜੋਕੋਵਿਚ ਨੇ ਹੁਣ ਤੱਕ ਕੋਰੋਨਾ ਦੀ ਵੈਕਸੀਨ ਨਹੀਂ ਲਗਾਈ ਹੈ। ਆਸਟੇ੍ਰਲੀਆ ਵਿਚ ਵੈਕਸੀਨ ਨੂੰ ਲੈ ਕੇ ਨਿਯਮ ਸਖ਼ਤ ਹਨ। ਜੋਕੋਵਿਚ ਨੇ ਮੈਡੀਕਲ ਪੇ੍ਰਸ਼ਾਨੀ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਉਹ ਫਿਲਹਾਲ ਵੈਕਸੀਨ ਨਹੀਂ ਲਗਵਾ ਸਕਦੇ। ਇਸ ਅਧਾਰ ’ਤੇ ਉਨ੍ਹਾਂ ਆਸਟੇ੍ਰਲੀਅਨ ਓਪਨ ਵਿਚ ਖੇਡਣ ਦੀ ਛੋਟ ਮਿਲ ਗਈ ਸੀ। ਲੇਕਿਨ ਜੋਕੋਵਿਚ ਦੇ ਆਸਟੇ੍ਰਲੀਆ ਪੁੱਜਣ ਤੋਂ ਬਾਅਦ ਉਨ੍ਹਾਂ ਕੋਲੋਂ ਮੈਡੀਕਲ ਪੇ੍ਰਸ਼ਾਨੀ ਦੇ ਸਬੂਤ ਮੰਗੇ ਗਏ। ਇੱਥੇ ਉਨ੍ਹਾਂ ਵਲੋਂ ਕਿਹਾ ਗਿਆ ਕਿ 16 ਦਸੰਬਰ ਨੂੰ ਹੀ ਉਨ੍ਹਾਂ ਕੋਰੋਨਾ ਹੋਇਆ ਸੀ। ਅਜਿਹੇ ਵਿਚ ਉਹ ਫਿਲਹਾਲ ਵੈਕਸੀਨ ਨਹੀਂ ਲਗਵਾ ਸਕਦੇ। ਇਸ ਤੋਂ ਬਾਅਦ ਉਨ੍ਹਾਂ ਏਅਰਪੋਰਟ ’ਤੇ ਹੀ ਰੋਕ ਲਿਆ ਗਿਆ ਅਤੇ ਉਨ੍ਹਾਂ ਦਾ ਵੀਜ਼ਾ ਰੱਦ ਕਰ ਦਿੱਤਾ। ਇਸ ਤੋਂ ਬਾਅਦ ਮਾਮਲਾ ਕੋਰਟ ਵਿਚ ਗਿਆ। ਸੁਣਵਾਈ ਤੋਂ ਬਾਅਦ ਜੋਕੋਵਿਚ ਨੂੰ ਸਹੀ ਠਹਿਾਇਆ। ਇਸ ਨਾਲ ਖੇਡਣ ਦਾ ਰਸਤਾ ਸਾਫ ਹੋ ਚੁੱਕਾ ਸੀ। ਹੁਣ ਆਸਟੇ੍ਰਲੀਆ ਸਰਕਾਰ ਨੇ ਦੂਜੀ ਵਾਰ ਵੀਜ਼ਾ ਰੱਦ ਕਰ ਦਿੱਤਾ ਅਤੇ ਮੁੜ ਤੋਂ ਹਿਰਾਸਤ ਵਿਚ ਲੈ ਲਿਆ। ਜੋਕੋਵਿਚ ਦੇ ਮਾਮਲੇ ’ਤੇ ਅਦਾਲਤ ਵਿਚ ਸੁਣਵਾਈ ਹੋਣੀ ਹੈ, ਲੇਕਿਨ 17 ਜਨਵਰੀ ਤੋਂ ਸ਼ੁਰੂ ਹੋ ਰਹੇ ਟੁਰਨਾਮੈਂਟ ਵਿਚ ਉਨ੍ਹਾਂ ਦਾ ਖੇਡਣਾ ਲਗਭਗ ਨਾਮੁਮਕਿਨ ਹੈ। ਦੱਸਦੇ ਚਲੀਏ ਕਿ ਵਿਕਟੋਰੀਆ ਸਰਕਾਰ ਨੇ 17 ਜਨਵਰੀ ਤੋਂ ਸ਼ੁਰੂ ਹੋ ਰਹੇ ਆਸਟੇ੍ਰਲੀਅਨ ਓਪਨ ਵਿਚ ਸਿਰਫ ਉਨ੍ਹਾਂ ਖਿਾਡਰੀਆਂ,ਅਧਿਕਾਰਆਂ ਅਤੇ ਦਰਸ਼ਕਾਂ ਨੂੰ ਐਂਟਰੀ ਦੀ ਆਗਿਆ ਦਿੱਤੀ ਹੈ ਜਿਨ੍ਹਾਂ ਕੋਰੋਨਾ ਦੇ ਦੋਵੇਂ ਟੀਕੇ ਲੱਗ ਚੁੱਕੇ ਹਨ।