ਜੇਐੱਨਐੱਨ, ਨਵੀਂ ਦਿੱਲੀ : ਬਾਲੀਵੁੱਡ ਦੇ ਪਰਫੈਕਸ਼ਨਿਸਟ ਆਮਿਰ ਖ਼ਾਨ ਤੇ ਕਿਆਰਾ ਅਡਵਾਨੀ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ਵਿਚ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਕਿਸੇ ਇਵੈਂਟ ਦਾ ਹੈ, ਜਿਸ ਵਿਚ ਆਮਿਰ ਤੇ ਕਿਆਰਾ ਸ਼ਾਮਲ ਹੋਏ ਸਨ। ਦੋਵੇਂ ਕਲਾਕਾਰ ਚਿਹਰੇ ’ਤੇ ਮਾਸਕ ਲਗਾ ਕੇ ਸਟੇਜ ’ਤੇ ਪਹੁੰਚਦੇ ਹਨ। ਫੋਟੋਗ੍ਰਾਫਰਾਂ ਨੂੰ ਪੋਜ਼ ਦੇਣ ਲਈ ਦੋਵੇਂ ਮਾਸਕ ਹਟਾਉਂਦੇ ਹਨ। ਆਮਿਰ ਤਾਂ ਆਪਣਾ ਮਾਸਕ ਗਲੇ ਵਿਚ ਲਟਕਾ ਲੈਂਦੇ ਹਨ, ਪਰ ਕਿਾਰਾ ਦਾ ਮਾਸਕ ਉਨ੍ਹਾਂ ਦੇ ਈਅਰ ਰਿੰਗਸ ਵਿਚ ਫਸ ਜਾਂਦੇ ਹੈ। ਕਿਆਰਾ ਕਾਫੀ ਕੋਸ਼ਿਸ਼ ਕਰਦੀ ਹੈ, ਪਰ ਮਾਸਕ ਨਹੀਂ ਨਿਕਲ ਪਾਉਂਦਾ ਹੈ। ਆਮਿਰ ਦੀ ਨਜ਼ਰ ਮਾਸਕ ਨਾਲ ਜੂਝਦੀ ਕਿਆਰਾ ’ਤੇ ਪੈਂਦੀ ਹੈ। ਫਿਰ ਇਸ਼ਾਰਿਆਂ ਵਿਚ ਪੁੱਛਦੇ ਹਨ ਕਿ ਕੀ ਕਿਆਰਾ ਨੂੰ ਮਦਦ ਚਾਹੀਦੀ ਹੈ? ਕਿਆਰਾ ਮੁਸਕਰਾਉਂਦੇ ਹੋਏ ਆਮਿਰ ਕੋਲ ਆਉਂਦੀ ਹੈ ਤੇ ਆਮਿਰ ਉਨ੍ਹਾਂ ਦੇ ਮਾਸਕ ਦੀ ਡੋਰੀ ਨੂੰ ਈਅਰ ਰਿੰਗਸ ਵਿਚੋਂ ਕੱਢਣ ਦੀ ਕੋਸ਼ਿਸ਼ ਕਰਨ ਲੱਗਦੇ ਹਨ।
ਆਮਿਰ ਲਈ ਵੀ ਇਹ ਕੰਮ ਆਸਾਨ ਨਹੀਂ ਸੀ। ਹਾਲਾਂਕਿ, ਆਮਿਰ ਨੂੰ ਕਾਮਯਾਬੀ ਮਿਲਣ ਤੋਂ ਪਹਿਲਾਂ ਹੀ ਵੀਡੀਓ ਖ਼ਤਮ ਹੋ ਜਾਂਦੀ ਹੈ। ਇਹ ਵੀਡੀਓ ਇੰਸਟਾਗ੍ਰਾਮ ’ਤੇ ਆਮਿਰ ਦੇ ਇਕ ਫੈਨ ਪੇਜ ਨੇ ਸ਼ੇਅਰ ਕੀਤਾ ਹੈ ਤੇ ਲੋਕ ਕਮੈਂਟ ਕਰ ਕੇ ਪੁੱਛ ਰਹੇ ਹਨ, ਆਖਿਰਕਾਰ ਆਮਿਰ ਮਾਸਕ ਕੱਢ ਪਾਏ ਜਾਂ ਨਹੀਂ?
https://www.instagram.com/p/CScgt8jHbz8/?utm_source=ig_web_copy_link
