ਭਵਾਨੀਗੜ : ਸਥਾਨਕ ਕਸਬੇ ਨੇੜੇ ਪਿੰਡ ਰਾਮਪੁਰਾ ਦੇ ਵਸਨੀਕ ਅਮਨ ਸਿੰਘ ਪੁੱਤਰ ਮੰਜੂਰਾ ਸਿੰਘ ਨੇ ਅੱਜ ਪ੍ਰੈਸ ਕਾਨਫਰੰਸ ਰਾਹੀਂ ਆਪਣੀ 25 ਸਾਲਾ ਧੀ ਨੀਲਮ ਨੂੰ ਸਹੁਰਿਆਂ ਵੱਲੋਂ ਤੰਗ ਪ੍ਰੇਸ਼ਾਨ ਕਰਨ ਅਤੇ ਜ਼ਜਿਰੀਲੀ ਚੀਜ਼ ਦੇਕੇ ਉਸਨੂੰ ਮਾਰਨ ਦੇ ਦੋਸ਼ ਲਾਉਂਦੇ ਹੋਏ ਇੰਸਾਫ ਦੀ ਮੰਗ ਕੀਤੀ ਹੈ ਕਿ ਲੜਕੀ ਦੇ ਸਹੁਰਿਆਂ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇ।
ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਮ੍ਰਿਤਕ ਲੜਕੀ ਨੀਲਮ ਦੇ ਪਿਤਾ ਅਮਨ ਸਿੰਘ ਨੇ ਦੱਸਿਆ ਕਿ ਨੀਲਮ ਦਾ ਵਿਆਹ ਪੂਰੇ ਹਿੰਦੂ ਰਿਵਾਜਾਂ ਅਨੁਸਾਰ 17 ਮਾਰਚ 2019 ਨੂੰ ਰਵਿੰਦਰ ਸਿੰਘ ਪੁੱਤਰ ਓਮਵੀਰ ਨਿਵਾਸੀ ਸਾਹਨੇਵਾਲ ਨਾਲ ਹੋਇਆ ਸੀ ਅਤੇ ਲੜਕੀ ਦੇ ਵਿਆਹ ‘ਤੇ ਸਵਾ ਤਿੰਨ ਲੱਖ ਰੁਪਏ ਲਾਏ ਅਤੇ ਦਾਜ ਦੇ ਨਾਲ ਨਾਲ-ਨਾਲ ਡੇਢ ਲੱਖ ਕੈਸ਼ ਵੀ ਦਿੱਤਾ। ਉਸਨੇ ਦੋਸ਼ ਲਾਇਆ ਕਿ ਵਿਆਹ ਤੋਂ ਥੋੜ੍ਹੀ ਦੇਰ ਬਾਅਦ ਹੀ ਲੜਕੀ ਦੇ ਸਹੁਰਿਆਂ ਨੇ ਉਸਦੀ ਲੜਕੀ ਨੂੰ ਵਧੇਰੇ ਦਾਜ, 2 ਲੱਖ ਰੁਪਏ ਦੀ ਨਕਦੀ ਅਤੇ ਇੱਕ ਮੋਟਰਸਾਈਕਲ ਦੀ ਮੰਗ ਕਰਕੇ ਉਸਦੀ ਲੜਕੀ ਨੂੰ ਤੰਗ ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਮੰਗ ਪੂਰੀ ਨਾ ਹੋਣ ‘ਤੇ ਉਸਦੀ ਲੜਕੀ ਨੂੰ ਘਰੋਂ ਬਾਹਰ ਕੱਢ ਦਿੱਤਾ ਗਿਆ।
ਇਸ ਤੋਂ ਬਾਅਦ ਪੰਚਾਇਤ ਵਿਚ ਹੋਏ ਸਮਝੌਤੇ ਅਨੁਸਾਰ ਉਸ ਨੇ ਫਿਰ ਆਪਣੀ ਲੜਕੀ ਨੂੰ ਸਹੁਰਿਆਂ ਨਾਲ ਦਿੱਤਾ। ਉਸਨੇ ਕਿਹਾ ਕਿ 7 ਅਪ੍ਰੈਲ ਨੂੰ ਉਸਨੂੰ ਓਮਵੀਰ ਦਾ ਫੋਨ ਆਇਆ ਕਿ ਉਸਦੀ ਲੜਕੀ ਦਾ ਉਸਦੀ ਸੱਸ ਨਾਲ ਝਗੜਾ ਹੈ ਅਤੇ ਉਹ ਕੱਲ੍ਹ ਉਥੇ ਆ ਕੇ ਉਸ ਨਾਲ ਗੱਲ ਕਰੇ। ਅਗਲੇ ਹੀ ਦਿਨ, 8 ਅਪ੍ਰੈਲ ਨੂੰ, ਦੁਬਾਰਾ, ਲੜਕੀ ਦੀ ਭਰਜਾਈ ਨੂੰ ਫੋਨ ਆਇਆ ਕਿ ਉਸਦੀ ਮੌਤ ਹੋ ਗਈ ਹੈ। ਜਦੋਂ ਉਸਨੇ ਜਾ ਕੇ ਵੇਖਿਆ, ਨੀਲਮ ਦੇ ਸਰੀਰ ਤੇ ਸੱਟਾਂ ਦੇ ਨਿਸ਼ਾਨ ਸੀ ਅਤੇ ਉਸਦੇ ਮੂੰਹ ਵਿੱਚੋਂ ਝੱਗ ਬਾਹਰ ਆ ਰਹੀ ਸੀ। ਉਸਨੇ ਦੋਸ਼ ਲਾਇਆ ਕਿ ਨੀਲਮ ਦੀ ਸੱਸ ਨੇ ਦਾਜ ਦੇ ਲਾਲਚ ਵਿੱਚ ਪਹਿਲਾਂ ਲੜਕੀ ਨਾਲ ਕਥਿਤ ਤੌਰ ‘ਤੇ ਕੁੱਟਮਾਰ ਕੀਤੀ ਅਤੇ ਫਿਰ ਉਸਨੂੰ ਮਾਰਨ ਲਈ ਜ਼ਹਿਰੀਲੀ ਦਵਾਈ ਦਿੱਤੀ।
ਉਨ੍ਹਾਂ ਨੇ ਕਿਹਾ ਕਿ ਉਸ ਦੀ ਲੜਕੀ ਦੀ ਮੌਤ ਲਈ ਕਥਿਤ ਤੌਰ ‘ਤੇ ਸਹੁਰੇ ਵਾਲੇ ਜਿੰਮੇਵਾਰ ਹਨ। ਉਨ੍ਹਾਂ ਨੇ ਸਰਕਾਰ ਅਤੇ ਮਨੁੱਖੀ ਅਧਿਕਾਰ ਕਮਿਸ਼ਨ ਤੋਂ ਮੰਗ ਕੀਤਿੀ ਹੈ ਕਿ ਉਹਸਦੀ ਲੜਕੀ ਦੀ ਮੌਤ ਦੇ ਜ਼ਿੰਮੇਵਾਰ ਲੋਕਾਂ ‘ਤੇ ਤੁਰਮਤ ਕਾਰਵਾਈ ਕੀਤਾੀ ਜਾਵੇ।
