Canada: ਨਿਊਯਾਰਕ ਵਿਖੇ ਕਾਊਂਸਲ ਜਨਰਲ ਲਈ 9 ਮਿਲੀਅਨ ਡਾਲਰ ਦਾ ਕੋਂਡੋ (ਫਲੈਟ) ਖਰੀਦਿਆ

Canada: ਨਿਊਯਾਰਕ ਵਿਖੇ ਕਾਊਂਸਲ ਜਨਰਲ ਲਈ 9 ਮਿਲੀਅਨ ਡਾਲਰ ਦਾ ਕੋਂਡੋ (ਫਲੈਟ) ਖਰੀਦਿਆ
ਓਟਾਵਾ : ਕੈਨੇਡਾ ਦੇ ਨਿਊਯਾਰਕ ’ਚ ਕਾਊਂਸਲ ਜਨਰਲ ਉਨ੍ਹਾਂ ਗਵਾਹਾਂ ਵਿਚ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਲਿਬਰਲ ਸਰਕਾਰ ਵਲੋਂ ਡਿਪਲੋਮੇਟ ਦੇ ਲਈ ਮੈਨਹਟਨ ਕੋਂਡੋ ’ਤੇ 9 ਮਿਲੀਅਨ ਡਾਲਰ ਖਰਚ ਕਰਨ ਦੀ ਯੋਜਨਾ ਦਾ ਰਿਵਿਊ ਕਰਨ ਵਾਲੀ ਕਾਮਨਸ ਕਮੇਟੀ ਦੇ ਸਾਹਮਣੇ ਬੁਲਾਇਆ ਜਾ ਰਿਹਾ ਹੈ।

Government of Canada has just bought a $9 million condo for diplomats in New York City's landmark Steinway Tower.

The brand new tower in Billionaire's Row near Central Park is the 4th tallest building in the US, and the world’s skinniest skyscraper.https://t.co/RTHgbXWqOi

— Kenneth Chan (@iamkennethchan) July 15, 2024

ਗਵਰਨਮੈਂਟ ਅਪਰੇਸ਼ਨਜ਼ ਅਤੇ ਐਸਟੀਮੇਟ ਕਮੇਟੀ ਨੇ ਕਾਊਂਸਲ ਜਨਰਲ ਟੌਮ ਕਲਾਰਕ, ਇਕ ਸਾਬਕਾ ਬ੍ਰਾਡਕਾਸਟਰ ਦੇ ਨਾਲ ਨਾਲ ਕੈਨੇਡਾ ਦੇ ਗਲੋਬਲ ਅਫੇਅਰਜ਼ ਡਿਪਟੀ ਮਨਿਸਟਰ (ਜੀਏਸੀ), ਟਰੈਜਰੀ ਬੋਰਡ ਦੇ ਪ੍ਰਤੀਨਿਧੀਆਂ ਅਤੇ ਨਿਊਯਾਰਕ ਦੇ ਰੀਅਲ ਅਸਟੇਟ ਏਜੰਟਾਂ ਦੇ ਇਕ ਪੈਨਲ ਨੂੰ ਵੀ ਬੁਲਾਇਆ ਹੈ।

ਇਸ ਸ਼ਾਹੀ ਖਰਚ ਦੇ ਮਾਮਲੇ ਵਿਚ ਅੱਗੇ ਦੀ ਸਫਾਈ ਦੇ ਲਈ ਵਿਦੇਸ਼ ਮੰਤਰੀ ਮੇਲਾਨੀ ਜੌਲੀ ਨੂੰ ਬੁਲਾਉਣ ਦੀ ਵੀ ਯੋਜਨਾ ਹੈ, ਜਦੋਂ ਹੋਰ ਗਵਾਹਾਂ ਦੀ ਹਾਜ਼ਰੀ ਦੇ ਬਾਅਦ ਉਨ੍ਹਾਂ ਦੀ ਗਵਾਹੀ ਜ਼ਰੂਰੀ ਸਮਝੀ ਜਾਂਦੀ ਹੈ। ਇਸ ਮੁੱਦੇ ’ਤੇ ਕਮੇਟੀ ਦੀਆਂ ਬੈਠਕਾਂ 19 ਤੋਂ 27 ਅਗਸਤ ਦੇ ਵਿਚਕਾਰ ਹੋਣੀਆਂ ਤੈਅ ਹਨ।

ਇਸ ਗਰਮੀ ਦੀ ਸ਼ੁਰੂਆਤ ਵਿਚ ਖਰੀਦੇ ਗਏ ਤਿੰਨ ਬੈਡਰੂਮ ਵਾਲੇ ਅਪਾਰਟਮੈਂਟ ਦੇ ਕਾਫੀ ਜ਼ਿਆਦਾ ਮਹਿੰਗਾ ਹੋਣ ਦੇ ਬਾਰੇ ਵਿਚ ਕਈ ਪੱਖ ਸਵਾਲ ਉਠਾ ਰਹੇ ਹਨ। ਇਸਦੇ ਬਾਰੇ ਵਿਚ ਜੀਏਸੀ ਨੇ ਕਿਹਾ ਕਿ ਇਹ ਕਾਊਂਸਲ ਜਨਰਲ ਦਾ ਅਧਿਕਾਰਤ ਨਿਵਾਸ ਹੋਵੇਗਾ। ਵਿਭਾਗ ਨੇ ਕਿਹਾ ਹੈ ਕਿ ਉਸ ਨੇ ਲੰਬੇ ਸਮੇਂ ਤੋਂ ਓਨਰਸ਼ਿਪ ਵਾਲੇ ਮੌਜੂਦਾ ਨਿਵਾਸ ਦੇ ਰੈਨੋਵੇਸ਼ਨ ’ਤੇ ਖਰਚ ਕਰਨ ਦੀ ਬਜਾਏ ਇਸ ਨੂੰ ਟਰਾਂਸਫਰ ਕਰਨ ਦਾ ਬਦਲ ਚੁਣਿਆ ਹੈ। ਨਿਊਯਾਰਕ ਪੋਸਟ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਦੱਸਿਆ ਕਿ ਮੈਨਹਟਨ ਵਿਚ ਵੈਸਟ 57ਵੀਂ ਸਟਰੀਟ ’ਤੇ ਨਵਾਂ ਖਰੀਦਿਆ ਗਿਆ ਨਿਵਾਸ ਇਕ ਮਹਿੰਗੇ ਖੇਤਰ ਵਿਚ ਸਥਿਤ ਹੈ। ਇਹ ਆਮ ਤੌਰ ’ਤੇ ਅਮਰੀਕਾ ਦੇ ਅਮੀਰ ਲੋਕਾਂ ਦਾ ਹੀ ਟਿਕਾਣਾ ਹੈ।

ਇਸ ਮਾਮਲੇ ’ਚ ਵਿਰੋਧੀ ਦਲ ਹੋਇਆ ਇਕਜੁੱਟ
ਇਸ ਮਾਮਲੇ ਨੂੰ ਲੈ ਕੇ ਸੁਣਵਾਈ ਦਾ ਮਤਾ ਕੰਸਰਵੇਟਿਵ ਸੰਸਦ ਮੈਂਬਰ ਕੇਲੀ ਬਲਾਕ ਵਲੋਂ ਅੱਗੇ ਵਧਾਇਆ ਗਿਆ ਹੈ। ਜਿਨ੍ਹਾਂ ਨੇ ਕਿਹਾ ਕਿ ਇਹ ਮੁੱਦਾ ਫੈਡਰਲ ਸਰਕਾਰ ਦੇ ਖਰਚ ਕੰਟਰੋਲ ਦੇ ਦਾਅਵਿਆਂ ਨੂੰ ਹਵਾ ਵਿਚ ਉਡਾਉਂਦਾ ਹੈ। ਹਾਲਾਂਕਿ ਲਿਬਰਲ ਸੰਸਦ ਮੈਂਬਰ ਰੌਨ ਮੈਕਕਿਨਨ ਨੇ ਕਿਹਾ ਕਿ ਇਹ ਇਕ ਅਜਿਹੀ ਪ੍ਰਾਪਰਟੀ ਹੈ, ਜਿਸ ਨੂੰ ਵੇਚਿਆ ਜਾ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸਦੀ ਓਨਰਸ਼ਿਪ ਕੈਨੇਡਾ ਸਰਕਾਰ ਦੇ ਕੋਲ ਹੈ। ਇਸ ਨੂੰ ਕਿਸੇ ਸਮੇਂ ਵੀ ਵੇਚਿਆ ਜਾ ਸਕਦਾ ਹੈ ਅਤੇ ਇਸਦੀ ਪੂਰੀ ਕੀਮਤ ਦੁਬਾਰਾ ਪ੍ਰਾਪਤ ਕੀਤੀ ਜਾ ਸਕਦੀ ਹੈ। ਸੰਸਦ ਮੈਂਬਰ ਜੂਲੀ ਬਿਗਨੋਲਾ ਨੇ ਕਿਹਾ ਕਿ ਇਸ ਸਾਰੇ ਮਾਮਲੇ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ।