ਕੈਨੇਡਾ ਦੇ ਕਈ ਖਿਡਾਰੀ ਪੈਰਿਸ ਉਲੰਪਿਕ ’ਚ ਲੈਣਗੇ ਹਿੱਸਾ

ਕੈਨੇਡਾ ਦੇ ਕਈ ਖਿਡਾਰੀ ਪੈਰਿਸ ਉਲੰਪਿਕ ’ਚ ਲੈਣਗੇ ਹਿੱਸਾ
ਟੋਰਾਂਟੋ: ਸਾਲ 2024 ਦੇ ਸਭ ਤੋਂ ਵੱਡੇ ਖੇਡ ਮੇਲੇ ਪੈਰਿਸ ਉਲੰਪਿਕ ਲਈ ਕੈਨੇਡਾ ਦੇ ਕਈ ਖਿਡਾਰੀਆਂ ਨੂੰੂ ਰਵਾਨਾ ਕਰ ਦਿੱਤਾ ਗਿਆ ਹੈ। ਕੈਨੇਡਾ ਨੂੰ ਇਸ ਵਾਰ ਤੈਰਾਕੀ, ਐਥਲੈਟਿਕਸ ਅਤੇ ਰੈਸਲਿੰਗ ’ਚ ਤਮਗੇ ਜਿੱਤਣ ਦੀ ਉਮੀਦ ਹੈ। ਕੈਨੇਡੀਆਈ ਉਲੰਪੀਅਨਾਂ ਨੂੰ ਜਦੋਂ ਟੋਰਾਂਟੋ ਦੇ ਪੀਅਰਸਨ ਹਵਾਈ ਅੱਡੇ ਤੋਂ ਪੈਰਿਸ ਉਲੰਪਿਕ ਖੇਡਾਂ ਲਈ ਰਵਾਨਾ ਕੀਤਾ, ਉਸ ਮੌਕੇ ਇਨ੍ਹਾਂ ਸਾਰੇ ਉਲੰਪੀਅਨਾਂ ਦੀ ਹੌਸਲਾ ਅਫਜਾਈ ਕੀਤੀ ਗਈ।

Yesterday evening at Toronto Pearson International Airport, Air Canada hosted the official send-off celebration for Team Canada athletes and delegation members, now on their way to the 2024 Paris Olympic Games! Plus: https://t.co/4PkmJTS0Nh pic.twitter.com/1BgcXS86ve

— Air Canada (@AirCanada) July 25, 2024

ਇਸ ਮੌਕੇ ਹਵਾਈ ਅੱਡੇ ਦੇ ਕਰਮਚਾਰੀਆਂ ਨੇ ਵੀ ਇਨ੍ਹਾਂ ਅਥਲੀਟਾਂ ਦਾ ਤਾੜੀਆਂ ਵਜਾ ਕੇ ਸਵਾਗਤ ਕੀਤਾ। ਪੈਰਿਸ ਉਲੰਪਿਕ 26 ਜੁਲਾਈ ਤੋਂ ਸ਼ੁਰੂ ਹੋ ਕੇ 11 ਅਗਸਤ ਤੱਕ ਚਲੇਗਾ। ਕੈਨੇਡਾ ਵਲੋਂ ਕਈ ਪੰਜਾਬੀ ਮੂਲ ਦੇ ਖਿਡਾਰੀ ਵੀ ਉਲੰਪਿਕ ਖੇਡਾਂ ਲਈ ਗਏ ਹਨ, ਜੋ ਹਾਕੀ ਤੋਂ ਲੈ ਕੇ ਰੈਸਲਿੰਗ ਵਿਚ ਆਪਣੀ ਤਾਕਤ ਦਿਖਾਉਣਗੇ। ਇਨ੍ਹਾਂ ਖਿਡਾਰੀਆਂ ਤੋਂ ਵੀ ਤਮਗਿਆਂ ਦੀ ਉਮੀਦ ਕੀਤੀ ਗਈ ਹੈ।
ਪੈਰਿਸ ਗਈ ਕੈਨੇਡਾ ਟੀਮ ਉਲੰਪਿਕ ਅਥਲੀਟਾਂ ਦੀ ਨਵੀਂ ਪੀੜ੍ਹੀ ਨਾਲ ਭਰੀ ਹੋਈ ਹੈ, ਜੋ ਤਮਗੇ ਜਿੱਤਣ ਵਿਚ ਕਾਫੀ ਵਿਸ਼ਵਾਸ ਵੀ ਰੱਖਦੀ ਹੈ। ਇਹ ਖਿਡਾਰੀ ਕਈ ਮਹੀਨਿਆਂ ਤੋਂ ਉਲੰਪਿਕ ਦੀ ਤਿਆਰੀ ਕਰ ਰਹੇ ਹਨ ਅਤੇ ਆਪਣੀ ਖੇਡ ਵਿਚ ਮਾਹਿਰ ਕੋਚਾਂ ਕੋਲੋਂ ਟ੍ਰੇਨਿੰਗ ਵੀ ਲੈ ਰਹੇ ਹਨ। ਕਈ ਕੋਚ ਵੀ ਪੈਰਿਸ ਵਿਚ ਇਨ੍ਹਾਂ ਖਿਡਾਰੀਆਂ ਦੇ ਨਾਲ ਹੀ ਰਹਿਣਗੇ ਤਾਂ ਕਿ ਆਖਰੀ ਮੌਕੇ ਤੱਕ ਇਨ੍ਹਾਂ ਦੀ ਖੇਡ ਵਿਚ ਨਿਖਾਰ ਲਿਆਂਦਾ ਜਾ ਸਕੇ।

ਉਲੰਪੀਅਨ ਸਮਰ ਮੈਕਿਨਟੋਸ ਤੋਂ ਕਾਫੀ ਉਮੀਦ
ਕੈਨੇਡਾ ਨੂੰ ਉਲੰਪੀਅਨ ਸਮਰ ਮੈਕਿਨਟੋਸ ਤੋਂ ਕਾਫੀ ਉਮੀਦ ਹੈ ਅਤੇ ਉਹ ਕਾਫੀ ਚੰਗੇ ਤੈਰਾਕ ਵਜੋਂ ਉਭਰੇ ਹਨ। ਉਹ ਕੈਨੇਡਾ ਦੇ ਉਤਮ ਤੈਰਾਕ ਵੀ ਹੋ ਸਕਦੇ ਹਨ ਅਤੇ ਇਸ ਵਾਰ ਉਹ ਤਮਗਾ ਵੀ ਜਿੱਤ ਕੇ ਲਿਆ ਸਕਦੇ ਹਨ। ਮੈਕਿਨਟੋਸ ਕਾਫੀ ਸਮੇਂ ਤੋਂ ਤਿਆਰੀ ਵੀ ਕਰ ਰਹੇ ਹਨ ਅਤੇ ਕੈਨੇਡਾ ਨੂੰ ਉਸ ’ਤੇ ਕਾਫੀ ਭਰੋਸਾ ਵੀ ਹੈ।