ਅਮਰੀਕਾ ’ਚ ਕਾਨੂੰਨ ਲੜਾਈ ਖ਼ਤਮ ਹੋਣ ਬਾਅਦ ਅਸਾਂਜ ਆਪਣੇ ਮੁਲਕ ਆਸਟਰੇਲੀਆ ਪਰਤੇ

ਅਮਰੀਕਾ ’ਚ ਕਾਨੂੰਨ ਲੜਾਈ ਖ਼ਤਮ ਹੋਣ ਬਾਅਦ ਅਸਾਂਜ ਆਪਣੇ ਮੁਲਕ ਆਸਟਰੇਲੀਆ ਪਰਤੇ

London: ਸਾਲਾਂ ਤੱਕ ਚੱਲੀ ਕਾਨੂੰਨੀ ਲੜਾਈ ਤੋਂ ਬਾਅਦ ਵਿਕੀਲੀਕਸ ਦੇ ਸੰਸਥਾਪਕ ਜੁਲੀਅਸ ਅਸਾਂਜ ਬਰਤਾਵਨੀ ਜੇਲ੍ਹ ਤੋਂ ਰਿਹਾਅ ਹੋ ਗਏ ਹਨ। ਅਮਰੀਕੀ ਪ੍ਰਸ਼ਾਸਨ ਨਾਲ ਸਮਝੌਤਾ ਹੋਣ ਤੋਂ ਬਾਅਦ ਜੁਲੀਅਸ ਅਸਾਂਜ ਨੂੰ ਰਿਹਾਅ ਕੀਤਾ ਗਿਆ ਹੈ। ਅਸਾਂਜ ਨੇ ਪਿਛਲੇ ਪੰਜ ਸਾਲ ਬਰਤਾਨੀਆ ਦੀ ਜੇਲ੍ਹ ਵਿਚ ਬਿਤਾਏ ਹਨ, ਜਿੱਥੋਂ ਉਹ ਅਮਰੀਕਾ ਨੂੰ ਹਵਾਲਗੀ ਦੇਣ ਦੀ ਲੜਾਈ ਲੜ ਰਿਹਾ ਹੈ।

Images touchantes – Julian Assange arrive en Australie et embrasse sa femme pic.twitter.com/mXkYQXxwMT

— Aliénor d’Aubigné ☦️🌿🇷🇸🇷🇺 (@AlienorAubigne) June 26, 2024

52 ਸਾਲਾਂ ਦੇ ਅਸਾਂਜ ‘ਤੇ ਕੌਮਾਂਤਰੀ ਸੁਰੱਖਿਆ ਨਾਲ ਸਬੰਧਿਤ ਜਾਣਕਾਰੀ ਪ੍ਰਾਪਤ ਕਰਨ ਅਤੇ ਉਸ ਦਾ ਖੁਲਾਸਾ ਕਰਨ ਦੀ ਸਾਜ਼ਿਸ਼ ਦੇ ਇਲਜ਼ਾਮ ਸਨ। ਅਮਰੀਕਾ ਨੇ ਸਾਲਾਂਬੱਧੀ ਇਹ ਦਲੀਲ ਦਿੱਤੀ ਕਿ ਵਿਕੀਲੀਕਸ ਦੀਆਂ ਫਾਈਲਾਂ ਜੋ ਇਰਾਕ ਅਤੇ ਅਫਗਾਨਿਸਤਾਨ ਜੰਗ ਨਾਲ ਸਬੰਧਿਤ ਜਾਣਕਾਰੀ ਰੱਖਦੀਆਂ ਹਨ ਦੇ ਵੇਰਵੇ ਜੇ ਬਾਹਰ ਆ ਜਾਂਦੇ ਹਨ ਤਾਂ ਇਹ ਕਈ ਜਾਨਾਂ ਨੂੰ ਖ਼ਤਰੇ ਵਿੱਚ ਪਾ ਸਕਦੀਆਂ ਹਨ।

ਵਿਕੀਲੀਕਸ ਮੁਤਾਬਕ ਅਸਾਂਜ ਦੀ ਰਿਹਾਹੀ ਵਿਸ਼ਵ-ਵਿਆਪੀ ਮੁਹਿੰਮ ਤੇ ਸੰਯੁਕਤ ਰਾਸ਼ਟਰ ਵਿੱਚ ਅਵਾਜ਼ ਉਠਾਉਣ ਵਾਲੇ ਆਗੂਆਂ ਦੀ ਬਦੌਲਤ ਹੋਈ ਹੈ।

ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ‘ਤੇ ਜਾਣਕਾਰੀ ਦਿੰਦਿਆਂ ਵਿਕੀਲੀਕਸ ਨੇ ਲਿਖਿਆ ਸੀ ਕਿ ਅਸਾਂਜ ਨੇ ਸੋਮਵਾਰ ਨੂੰ ਬੇਲਮਾਰਸ਼ ਜੇਲ੍ਹਰ ਦੇ ਛੋਟੇ ਜਿਹੈ ਸੈੱਲ ਨੂੰ 1,901 ਦਿਨਾਂ ਬਾਅਦ ਛੱਡ ਦਿੱਤਾ ਹੈ।

ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੂੰ ਦੁਪਹਿਰ ਸਮੇਂ ਸਟੈਨਸਟੇਡ ਹਵਾਈ ਅੱਡੇ ‘ਤੇ ਰਿਹਾਅ ਕੀਤਾ ਗਿਆ, ਜਿੱਥੋਂ ਉਹ ਇੱਕ ਜਹਾਜ਼ ਵਿੱਚ ਸਵਾਰ ਹੋ ਕੇ ਆਸਟਰੇਲੀਆ ਲਈ ਰਵਾਨਾ ਹੋਏ।

ਉਨ੍ਹਾਂ ਦੀ ਪਤਨੀ, ਸਟੈਲਾ ਅਸਾਂਜ, ਨੇ ਐੱਕਸ ’ਤੇ ਇੱਕ ਪੋਸਟ ਸਾਂਝੀ ਕਰਕੇ ਆਪਣੇ ਸਮਰਥਕਾਂ ਦਾ ਧੰਨਵਾਦ ਕੀਤਾ ਹੈ। ਉਨ੍ਹਾਂ ਲਿਖਿਆ, “ਜਿਨ੍ਹਾਂ ਨੇ ਇਸ ਨੂੰ ਸੱਚ ਕਰਨ ਲਈ ਸਾਲਾਂ ਤੋਂ ਲਾਮਬੰਦੀ ਕੀਤੀ”।

ਜਿਸ ਡੀਲ ਵਿੱਚ ਅਸਾਂਜ ਨੂੰ ਜ਼ਿੰਮੇਵਾਰ ਮੰਨਿਆ ਜਾ ਰਿਹਾ ਹੈ ਕਿ ਉਸ ਬਾਰੇ ਬੁੱਧਵਾਰ, 26 ਜੂਨ ਉੱਤਰੀ ਮਾਰੀਆਨਾ ਟਾਪੂ ਦੀ ਇੱਕ ਅਦਾਲਤ ਵਿੱਚ ਅੰਤਿਮ ਫ਼ੈਸਲਾ ਆਉਣ ਦੀ ਸੰਭਾਵਨਾ ਹੈ।

ਇਹ ਦੂਰ ਦਾ ਇੱਕ ਪੈਸੀਫਿਕ ਟਾਪੂ, ਅਮਰੀਕੀ ਰਾਸ਼ਟਰਮੰਡਲ ਦਾ ਹਿੱਸਾ ਹੈ ਜੋ ਕਿ ਅਮਰੀਕੀ ਸੰਘੀ ਅਦਾਲਤਾਂ ਨਾਲੋਂ ਆਸਟਰੇਲੀਆ ਦੇ ਬਹੁਤ ਨੇੜੇ ਹਨ। ਏਜੰਸੀ ਫਰਾਂਸ ਪ੍ਰੈਸ ਨੇ ਆਸਟ੍ਰੇਲੀਆ ਸਰਕਾਰ ਦੇ ਬੁਲਾਰੇ ਦੇ ਹਵਾਲੇ ਨਾਲ ਕਿਹਾ ਕਿ ਇਹ ਮਾਮਲਾ ਬਹੁਤ ਲੰਬੇ ਤੋਂ ਖਿੱਚਿਆ ਗਿਆ ਸੀ।

ਹਾਲਾਂਕਿ ਅਟਾਰਨੀ, ਰਿਚਰਡ ਮਿਲਰ ਨਾਲ ਜਦੋਂ ਸੀਬੀਐੱਸ ਵੱਲੋਂ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਇਸ ਮਾਮਲੇ ‘ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ।