ਟੋਕੀਓ, ਰਾਇਟਰਜ਼: ਜਾਪਾਨ ਦੇ ਹੋਕਾਈਡੋ ਟਾਪੂ ਦੇ ਪੂਰਬੀ ਹਿੱਸੇ ‘ਚ ਸ਼ਨੀਵਾਰ ਨੂੰ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਰਿਕਟਰ ਪੈਮਾਨੇ ‘ਤੇ ਭੂਚਾਲ ਦੀ ਤੀਬਰਤਾ 6.1 ਮਾਪੀ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ਹੈ ਅਧਿਕਾਰੀਆਂ ਮੁਤਾਬਕ ਭੂਚਾਲ ਕਾਰਨ ਸੁਨਾਮੀ ਦੀ ਕੋਈ ਚਿਤਾਵਨੀ ਜਾਰੀ ਨਹੀਂ ਕੀਤੀ ਗਈ ਹੈ।
ਨੈਸ਼ਨਲ ਰਿਸਰਚ ਇੰਸਟੀਚਿਊਟ ਫਾਰ ਅਰਥ ਸਾਇੰਸ ਐਂਡ ਡਿਜ਼ਾਸਟਰ ਰੈਜ਼ੀਲੈਂਸ (ਐਨਆਈਈਡੀ) ਦੇ ਅਨੁਸਾਰ, ਭੂਚਾਲ ਨੇਮੂਰੋ ਪ੍ਰਾਇਦੀਪ ਵਿੱਚ 61 ਕਿਲੋਮੀਟਰ (38 ਮੀਲ) ਦੀ ਡੂੰਘਾਈ ਵਿੱਚ ਆਇਆ। ਭੂਚਾਲ ਕਾਰਨ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ।
ਜਾਪਾਨ ਮੌਸਮ ਵਿਗਿਆਨ ਏਜੰਸੀ ਮੁਤਾਬਕ ਭੂਚਾਲ ਮੁੱਖ ਤੌਰ ‘ਤੇ ਹੋਕਾਈਡੋ ਦੇ ਪੂਰਬੀ ਹਿੱਸੇ ‘ਚ ਸਥਾਨਕ ਸਮੇਂ ਮੁਤਾਬਕ ਰਾਤ 10:27 ‘ਤੇ ਆਇਆ। ਮੌਸਮ ਦਫਤਰ ਨੇ ਕਿਹਾ ਕਿ ਇਹ ਆਮ ਤੌਰ ‘ਤੇ ਉਹ ਪੱਧਰ ਹੁੰਦਾ ਹੈ ਜਿੱਥੇ ਚੀਜ਼ਾਂ ਅਲਮਾਰੀਆਂ ਤੋਂ ਡਿੱਗਦੀਆਂ ਹਨ ਅਤੇ ਅਸੁਰੱਖਿਅਤ ਫਰਨੀਚਰ ਹਿੱਲ ਸਕਦਾ ਹੈ।
