ਲਿਸਟੇਰਿਓਸਿਸ ਕਾਂਡ : ਪਲਾਂਟ ਬੇਸਡ ਦੁੱਧ ਨਾਲ ਦੋ ਵਿਅਕਤੀਆਂ ਦੀ ਮੌਤ

ਸਟੋਰਾਂ ਵਿਚੋਂ ਵਾਪਸ ਮੰਗਵਾਏ ਗਏ ਹਨ ਕੰਪਨੀ ਦੇ ਉਤਪਾਦ
ਓਟਾਵਾ: ਪਲਾਂਟ ਬੇਸਡ ਦੁੱਧ ਤੋਂ ਬਣੇ ਉਤਪਾਦਾਂ ਦੇ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ ਅਤੇ ਇਸ ਨਾਲ ਪ੍ਰਭਾਵਿਤ ਵਿਅਕਤੀਆਂ ਦੀ ਸੰਖਿਆ ਵਧਦੀ ਜਾ ਰਹੀ ਹੈ। ਕੈਨੇਡਾ ਦੀ ਫੂਡ ਇੰਸਪੈਕਸ਼ਨ ਏਜੰਸੀ ਵਲੋਂ ਪਹਿਲਾਂ ਹੀ ਇਸ ਬਾਰੇ ਅਲਰਟ ਜਾਰੀ ਕੀਤਾ ਗਿਆ ਹੈ। ਲਿਸਟੇਰਿਆ ਇਨਫੈਕਸ਼ਨ ਦੇ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਇਕ ਵੱਡੇ ਖਤਰੇ ਦਾ ਸੰਕੇਤ ਦੇ ਰਹੀ ਹੈ, ਜੋ ਕਿ ਕੈਨੇਡੀਅਨ ਖਪਤਕਾਰਾਂ ਦੀ ਜਾਨ ਵੀ ਲੈ ਰਿਹਾ ਹੈ।

Various recalled plant based refrigerated beverages are the source of 12 #Listeria infections occurring across 3 provinces: ON, QC and NS. Do not eat, use or serve the Silk or Great Value recalled products. More info: https://t.co/7V1YQUKiA5 pic.twitter.com/NNeadw2IOv

— Health Canada and PHAC (@GovCanHealth) July 18, 2024

ਕੈਨੇਡਾ ਦੀ ਪਬਲਿਕ ਹੈਲਥ ਕੇਅਰ ਏਜੰਸੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਲਿਸਟੇਰਿਓਸਿਸ ਨਾਲ ਦੋ ਵਿਅਕਤੀਆਂ ਦੀ ਮੌਤ ਦੋ ਗਈ ਹੈ, ਜਿਸ ਦੇ ਕਾਰਨ ਕੁਝ ਪਲਾਂਟ ਬੇਸਿਡ ਦੁੱਧ ਨੂੰ ਪੂਰੇ ਕੈਨੇਡਾ ਦੇ ਮਾਰਕੀਟ ਵਿਚੋਂ ਵਾਪਸ ਮੰਗਵਾ ਲਿਆ ਗਿਆ ਹੈ। ਇਸ ਵਿਚ ਸਿਲਕ ਬ੍ਰਾਂਡ ਦੁੱਧ, ਨਾਰੀਅਲ ਦੁੱਧ, ਬਦਾਮ ਨਾਰੀਅਲ ਦੁੱਧ ਅਤੇ ਜਈ ਦੁੱਧ ਨੂੰ ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਹੀ ਵਾਪਸ ਮੰਗਵਾਇਆ ਗਿਆ ਸੀ। ਨਾਲ ਹੀ ਗ੍ਰੇਟ ਵੈਲਿਊ ਬ੍ਰਾਂਡ ਬਦਾਮ ਦੁੱਧ ਨੂੰ ਵੀ ਵਾਪਸ ਮੰਗਵਾਇਆ ਗਿਆ ਹੈ।

ਬਜ਼ਾਰ ਵਿਚੋਂ ਵਾਪਸ ਮੰਗਵਾਏ ਗਏ ਜ਼ਿਆਦਾ ਉਤਪਾਦਾਂ ਨੂੰ ਵਰਤਣ ਦੀ ਆਖਰੀ ਮਿਤੀ 4 ਅਕਤੂਬਰ ਤੱਕ ਹੈ। ਵਾਪਸ ਮੰਗਵਾਏ ਗਏ ਉਤਪਾਦਾਂ ਨੂੰ ਸੁੱਟ ਦਿੱਤਾ ਜਾਣਾ ਚਾਹੀਦਾ ਹੈ ਜਾਂ ਉਨ੍ਹਾਂ ਨੂੰ ਉਸੇ ਸਥਾਨ ’ਤੇ ਵਾਪਸ ਕਰ ਦਿੱਤਾ ਜਾਣਾ ਚਾਹੀਦਾ, ਜਿਥੋਂ ਉਨ੍ਹਾਂ ਨੂੰ ਖਰੀਦਿਆ ਗਿਆ ਸੀ। ਏਜੰਸੀ ਵਲੋਂ ਜਾਰੀ ਇਕ ਪਬਲਿਕ ਹੈਲਥ ਨੋਟਿਸ ਵਿਚ ਮੌਤਾਂ ਦੇ ਬਾਰੇ ਵਿਚ ਵਿਸਥਾਰ ਨਾਲ ਜਾਣਕਾਰੀ ਨਹੀਂ ਦਿੱਤੀ ਗਈ, ਪਰ ਕਿਹਾ ਸੀ ਕਿ ਬਿਮਾਰੀ ਦੇ 12 ਮਾਮਲੇ ਅਜਿਹੇ ਹਨ, ਜਿਨ੍ਹਾਂ ਦੀ ਲੈਬ ਟੈਸਟ ਤੋਂ ਬਾਅਦ ਗੜਬੜੀ ਸਪੱਸ਼ਟ ਹੋ ਚੁੱਕੀ ਹੈ।

ਕਿਹਾ ਗਿਆ ਹੈ ਕਿ ਇਨ੍ਹਾਂ ਵਿਚ 10 ਮਾਮਲੇ ਉਨਟਾਰੀਓ ਵਿਚ ਹਨ, ਜਦਕਿ ਕਿਊਬੈਕ ਅਤੇ ਨੋਵਾ ਸਕੋਟਰੀਆ ਵਿਚ ਇਕ ਇਕ ਮਾਮਲੇ ਸਨ ਅਤੇ 9 ਮਰੀਜ਼ ਹਸਪਤਾਲ ਵਿਚ ਭਰਤੀ ਸਨ। ਬਿਮਾਰ ਹੋਣ ਵਾਲੇ ਵਿਅਕਤੀ 37 ਤੋਂ 89 ਸਾਲ ਦੀ ਉਮਰ ਦੇ ਵਿਚਕਾਰ ਹਨ ਅਤੇ 67 ਪ੍ਰਤੀਸ਼ਤ ਮਾਮਲੇ ਮਹਿਲਾਵਾਂ ਦੇ ਹਨ। ਏਜੰਸੀ ਨੇ ਕਿਹਾ ਕਿ ਜ਼ਿਆਦਾਤਰ ਵਿਅਕਤੀ ਅਗਸਤ 2023 ਅਤੇ ਜੁਲਾਈ 2014 ਦੀ ਸ਼ੁਰੂਆਤ ਦੇ ਵਿਚਕਾਰ ਬਿਮਾਰ ਹੋਏ। ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਨੇ ਕਿਹਾ ਕਿ ਲਿਸਟੇਰਿਆ ਨਾਲ ਦੂਸ਼ਿਤ ਉਤਪਾਦ ਖਰਾਬ ਨਹੀਂ ਦਿਸਦੇ ਹਨ, ਪਰ ਫਿਰ ਵੀ ਤੁਹਾਨੂੰ ਬਿਮਾਰ ਕਰ ਸਕਦੇ ਹਨ।

ਲਿਸਟੇਰਿਓਸਿਸ ਦੇ ਲੱਛਣਾਂ ਵਿਚ ਉਲਟੀ, ਮਤਲੀ, ਲਗਾਤਾਰ ਬੁਖਾਰ, ਮਾਸਪੇਸ਼ੀਆਂ ਵਿਚ ਦਰਦ, ਗੰਭੀਰ ਸਿਰਦਰਦ ਅਤੇ ਗਰਦਨ ਵਿਚ ਅਕੜਣ ਸ਼ਾਮਲ ਹੋ ਸਕਦੇ ਹਨ। ਨੋਟਿਸ ਵਿਚ ਕਿਹਾ ਗਿਆ ਹੈ ਕਿ ਗਰਭਵਤੀ ਮਹਿਲਾਵਾਂ ਵਿਚ ਕੇਵਲ ਹਲਕੇ ਫਲੂ ਜਿਹੇ ਲੱਛਣ ਹੋ ਸਕਦੇ ਹਨ, ਪਰ ਲਿਸਟੇਰਿਓਸਿਸ ਅਜੇ ਵੀ ਸਮੇਂ ਤੋਂ ਪਹਿਲਾਂ ਪ੍ਰਸਵ, ਨਵਜਾਤ ਬੱਚੇ ਦੇ ਸੰਕਰਮਣ ਜਾਂ ਮਿ੍ਰਤਕ ਬੱਚੇ ਦੇ ਜਨਮ ਦਾ ਕਾਰਨ ਬਣ ਸਕਦਾ ਹੈ।

ਡੇਨੋਨ ਕੈਨੇਡਾ ਦੇ ਪ੍ਰਧਾਨ ਨੇ ਕਿਹਾ ਕਿ ਵਾਪਸ ਮੰਗਵਾਏ ਗਏ ਉਤਪਾਦਾਂ ਨੂੰ ਖੁਦਰਾ ਅਲਮਾਰੀਆਂ ਵਿਚੋਂ ਹਟਾ ਦਿੱਤਾ ਗਿਆ ਹੈ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਕੈਨੇਡਾ ਵਿਚ ਲਿਸਟੇਰਿਓਸਿਸ ਦਾ ਪ੍ਰਕੋਪ ਪਹਿਲਾਂ ਵੀ ਜਾਨਲੇਵਾ ਰਿਹਾ ਹੈ। 2008 ਵਿਚ ਟੋਰਾਂਟੋ ਵਿਚ ਮੇਪਲ ਲੀਫ ਫੂਡਸ ਪਲਾਂਟ ਤੋਂ ਕੋਲਡ ਕਟਸ ਨਾਲ ਜੁੜੀ ਬਿਮਾਰੀ ਦੇ ਪ੍ਰਕੋਪ ਨੇ 22 ਕੈਨੇਡੀਆਈ ਵਿਅਕਤੀਆਂ ਦੀ ਜਾਨ ਲੈ ਲਈ ਸੀ।